1

Vajtswv Tus Uas Muaj Hwj Chim Loj Kawg Nkaus, kuv tso siab rau Koj. Rov xav txog tej uas kuv mus ncig thoob lub ntiaj teb no li cas,

Kuv pom tib neeg txoj kev hloov pauv thiab kev tsis mob siab. Ua rau kuv nyuaj siab thiab poob rau hauv kev tsaus ntuj.

Lub neej uas muaj kev tsim txom tsis muaj hnub xaus li; kuv cov kua muag ntxuav kuv lub ntsej muag xwb, kuv qaug zog txhua lub xyoo.

Kuv ua neej nyob tsis muaj kev pab, tsis muaj kev cia siab, thiab tag kev cia siab.

Vajtswv Tus Uas Muaj Hwj Chim Loj Kawg Nkaus, Koj hlub peb heev. Koj cov lus tsa kuv sawv.

Thaum kawg kuv tau rov qab los cuag koj lawm thiab muab kuv lub neej uas muaj mob tso pov tseg.

Koj cov lus qhia kuv kom paub qhov tseeb, ua rau kuv pom ib lub neej zoo lawm.

Kuv muaj kev xyiv fab rau koj cov lus thiab nyob rau hauv Koj lub xub ntiag, kuv lub siab puv npo kev thaj yeeb thiab kev xyiv fab.

2

Vajtswv Tus Uas Muaj Hwj Chim Loj Kawg Nkaus, kuv tso siab rau Koj. Kuv tus yeeb yam raug Koj cov lus muab nthuav liab qab.

Koj cov lus txoj kev txiav txim ua rau kuv pom tias kuv qias vuab tsuab npaum li cas.

khav theeb, dag ntxias, lim hiam thiab ntshaw, kuv tsis zoo li ib tug neeg kiag li.

Kuv paub kuv tus kheej thiab txhos caug ntua hauv av rau ntawm Koj lub xub ntiag los lees txais Koj txoj kev txiav txim thiab kev ntxuav kom dawb huv.

Vajtswv Tus Uas Muaj Hwj Chim Loj Kawg Nkaus, Koj hlub peb heev. Koj txoj kev txiav txim cawm kuv.

Koj muab qhov tseeb thiab txoj sia rau kuv, thiab qhia kuv tias yuav ua ib tug tib neeg zoo li cas.

Tam sim no kuv tau hloov pauv me ntsis lawm, vim li cas kuv thiaj li yuav tsis ua Koj tsaug thiab qhuas Koj?

Kuv muaj kev xyiv fab rau koj cov lus thiab nyob rau hauv Koj lub xub ntiag, kuv lub siab puv npo kev thaj yeeb thiab kev xyiv fab.

3

Vajtswv Tus Uas Muaj Hwj Chim Loj Kawg Nkaus, kuv tso siab rau Koj. Koj yeej hlub kuv tiag tiag li.

Kuv lub siab puv npo ib lab lo lus ua tsaug, tiam sis kuv tsis paub tias yuav pib lo twg tuaj.

Zoo siab heev rau Koj txoj kev hlub tiam sis tsis muaj peev xwm ua tim khawv rau Koj li, ua rau kuv lub siab pib txhawj xeeb.

Kuv tseem tsis tau mob siab rau kuv lub luag hauj lwm—kuv yuav ua li cas ua tau raws li Koj lub siab nyiam?

Vajtswv Tus Uas Muaj Hwj Chim Loj Kawg Nkaus, Koj hlub peb heev. Koj txoj kev txiav txim yog ib txoj koob hmoov.

Koj txoj kev txiav txim ntxuav kuv ua rau kuv pom Koj txoj kev dawb huv thiab kev zoo ntxim hlub.

Tam sim no kuv tau Koj txoj kev cawm dim lawm ua rau kuv nyob rau hauv txoj kev kaj, kuv lub siab hnov ib txoj kev qab zib uas tsis muaj dab tsi los piv tau li.

Kuv muaj kev xyiv fab rau koj cov lus thiab nyob rau hauv Koj lub xub ntiag, kuv lub siab puv npo kev thaj yeeb thiab kev xyiv fab.

Peb yuav mloog koj lus txhua yam, ua neej nyob raws li Koj cov lus qhia thiab hlub Koj mus ib txhis li.