Sij hawm dhau mus ceev heev thiab txoj sia mas luv kawg nkaus,

tab sis Koj txoj kev hlub rau tib neeg mas nyob mus ib txhis.

Lub ntiaj teb hloov ceev heev, hiav txwv rais los tiaj nrag.

Tab sis Koj txoj kev ncaj ncees thiab kev ua siab ncaj mas kav mus ib txhis.

Koj lub suab mas mos muag thiab zoo nkauj heev.

Koj yog qhov tseeb thiab txoj sia; qhov no yuav tsis muaj hnub hloov.

Kuv ces ua tsis tau dab tsi li thiab poob zoo lawm, yam tsis muaj xub ke li.

Tab sis Koj tej lus coj kuv thoob plaws hauv kuv lub neej.

Kuv muaj kev kaj siab thaum Koj nyob ntawm kuv ib sab.

Koj tej lus ua rau kuv lub siab muaj zog tuaj,

thiab coj kuv kom loj hlob nyob rau hauv kuv lub neej.

Koj saib xyuas kuv rau txhua txoj ke.

Koj qhov kev txiav txim yog koob hmoov.

Koj qhov kev rau txim yog kev tiv thaiv.

Koj cov lus khov mas chob kuv lub siab tshab plaws.

Txawm yuav raug lim kom dawb huv los kuv yeej raug yaug huv si lawm thiab.

Ntxwgnyoog caum, kev sim siab los,

Koj pab kom dhau hmo uas tsaus ntuj ntev ntev.

Txoj kev ces yeej phem, tab sis muaj Koj tej lus,

ces kuv tsis ntshai li, txawm yuav muaj kev mob los xij.

Koj cov lus txiav txim thiab ntxuav kuv kom dawb huv.

Koj taug kev nrog kuv mus rau lub nceeg vaj.

Tsis hais tus nqi yuav zoo li cas li, nws yog ib qho koob hmoov.

Txawm hais tias kuv yuav quaj, los tej kua muag yeej qab zib.

Khetos yog qhov tseeb, txoj kev, thiab txoj sia.

Kuv yeej yuav tsis ua xyem xyav nyob rau hauv txoj kev raws qab thiab hais lus tim khawv rau Khetos li.