Xyoo 1991, Vajtswv tau pib tes hauj lwm ntawm Tiam Lub Nceeg Vaj yam raws kev raws cai kiag lawm thiab tau tsim tsa Pawg Ntseeg ntawm Vajtswv Tus Uas Muaj Hwj Chim Loj Kawg Nkaus. Nyob rau xyoo 1995, txoj moo zoo uas hais txog lub nceeg vaj txawm pib nthuav mus thoob plaws lub teb chaws Suav av loj yam raws kev raws cai lawm, cov tib neeg uas nyob rau txhua txoj kev lis kev cai ntseeg thiab txhua pab ntseeg uas ntshaw qhov Vajtswv tshwm sim los ntawd tau hnov Nws lub suab, tau lees txais Nws tes hauj lwm ntawm tiam kawg, thiab tau tig rov qab los rau hauv Vajtswv lub tsev lawm. Nyob rau ntau qhov chaw muaj qhov uas txhua txoj kev lis kev cai ntseeg los koom ua ke, thiab txhua tus tib neeg los rau saum lub roob ntawm Vajtswv lub tsev ntawd tau tshwm sim. Lub ntiaj teb ntawm sab kev lis kev cai ntseeg yuav luag vau. Tom qab ntawd, Pawg Ntseeg ntawm Vajtswv Tus Uas Muaj Hwj Chim Loj Kawg Nkaus tau raug lub ntiaj teb ntawm sab kev lis kev cai ntseeg thuam thiab tawm tsam, thiab Tsoom Fwv Koom Tsham Suav tau pib caij tsuj thiab tsim txom Pawg Ntseeg ntawm Vajtswv Tus Uas Muaj Hwj Chim Loj Kawg Nkaus ntawd uas haj yam lim hiam dua qub. Txawm li no los, vim Vajtswv txoj kev coj kev es cov neeg Vajtswv xaiv coob tus thiaj li nyiaj tau tej kev txom nyem yam suav tsis txheeb thiab tiv dhau ntau yam teeb meem. Xyoo 2007, lawv thiaj li tau nthuav Vajtswv txoj moo zoo uas hais txog lub nceeg vaj mus rau txawv teb chaws, ces thiaj li tsim tsa tau thawj Pawg Ntseeg ntawm Vajtswv Tus Uas Muaj Hwj Chim Loj Kawg Nkaus nyob rau Taib Vas. Thaum txoj moo zoo uas hais txog lub nceeg vaj nthuav tawm ntawm sab Es Xias mus rau sab Aws Lauv, thiab tom qab ntawd mus rau Amelikas, As Fib Kas, thiab O Xiab Nias yam ceev heev lawm, tam sim no Pawg Ntseeg ntawm Vajtswv Tus Uas Muaj Hwj Chim Loj Kawg Nkaus thiaj li tsim tsa tau pawg ntseeg rau ntau tshaj 120 lub teb chaws thoob plaws ntiaj teb lawm. Txoj moo zoo uas hais txog lub nceeg vaj ntawd nthuav tawm mus zoo li hluav taws kub mus rau txhua thaj av loj.

Nyob rau ntu no, peb yuav coj nej mus saib lub neej hauv pawg ntseeg ntawm Pawg Ntseeg ntawm Vajtswv Tus Uas Muaj Hwj Chim Loj Kawg Nkaus uas nyob rau hauv lub teb chaws Is Tas Lij.