Vim Tsoom Fwv Koom Tsham Suav tau tsim los ntawm Lub Tswv Yim Mas Xiv-Lub Tswv Yim Lenis, lawv thiaj li siv zog heev los tshaj tawm txoj kev tsis ntseeg tias muaj Vajtswv los dag ntxias tib neeg, los ntawm lub hom phiaj yuav tuav hwj chim thiab tswj tib neeg mus ib txhis. Lawv yeej ib txwm saib cov pab pawg ntawm sab kab lis kev cai ntseeg thiab cov neeg tsis pom zoo tias yog lawv cov yeeb ncuab loj tshaj plaws ntawm sab kev nom kev tswv. Lawv tau siv zog txhua yam los txhawb nqa lub tswv yim Mas Xiv "kev hloov tshiab los ntawm kev ua nruj ua tsiv" thiab "txeeb hwj chim los ntawm kev siv cuab yeej tua rog." Los ntawm txoj kev no, lawv thiaj li txeeb lub hwj chim thiab ib txwm tswj hwm los ntawm kev dag, kev ntxias thiab kev hloov tshiab los ntawm kev ua nruj ua tsiv los txog niaj hnub no. Tau xya caum tawm lub xyoo dhau los no, Tsoom Fwv Koom Tsham Suav tau tsuj nias, ntes, thiab tsim txom cov tib neeg xws li cov pab pawg ntawm sab kab lis kev cai ntseeg thiab cov neeg tsis pom zoo yam lim hiam heev thiab tsis tso tseg li. Vim Tsoom Fwv Koom Tsham Suav tsuj nias txoj kev ntseeg ntawm sab kab lis kev cai ntseeg yam lim hiam heev, lawv tej kev tsim txom yim txia ntshav thiab lim hiam ntxiv zuj zus. Cov Ntseeg Vajtswv txoj cai ua neej nyob raug muab txeeb mus tag nrho. Txhawm rau khiav dim Tsoom Fwv Koom Tsham Suav tej rau tes thiab tuav lawv txoj kev ntseeg kom ruaj khov, cov Ntseeg Vajtswv tsis muaj lwm txoj kev xaiv dhau ntawm qhov khiav mus rau txawv teb chaws. Tom qab qhov no, Tsoom Fwv Koom Tsham Suav tau xyab lawv txhais tes dub mus thoob plaws ntiaj teb, thiab ua ib co hauj lwm tsuj nias hla teb chaws, nyob hauv qhov kev yuam cov Ntseeg Vajtswv rov qab los rau hauv Teb Chaws Suav, lub hom phiaj kawg ces yog yuav coj cov Ntseeg Vajtswv los nyob hauv lawv txoj kev tswj hwm kom lawv thiaj li tsim txom tau cov Ntseeg Vajtswv txuas ntxiv yam tsis ntshai leej twg. Tsoom Fwv Koom Tsham Suav txoj kev tsuj nias thiab kev tsim txom cov Ntseeg Vajtswv yog qhov tsis muaj kev txwv thiab txawm yuav them tus nqi dab tsi los xij li. Lawv tej kev ua txhaum loj tshaj plaws thiab phem tshaj plaws, siab mus txog lub ntuj!

00:18 Tsoom Fwv Koom Tsham Suav Txoj Kev Lim Hiam Los Tau Tshaj Li Xya Caum Xyoo: Ib Qho Keeb Kwm Ntawm Cov Ntseeg Vajtswv Cov Ntshav thiab Kua Muag

02:39 8. Kev Tsuj Nias Hla Teb Chaws: Ua Txhua Yam Kom Rhuav Tshem Tau Tag Nrho

03:36 (1) Kev Ua Raws Txoj Hau Kev Txwv Nruj Los "Tshuaj Xyuas Hauv Is Taws Nem, Tshuaj Xyuas Txawv Teb Chaws," thiab "Ib Tug Neeg, Ib Qho Kev Npaj"

08:29 (2) Tsim tsa "Cov Chaw Pab Cuam Tub Ceev Xwm Nyob Txawv Teb Chaws" los Nthuav Dav Tsoom Fwv Koom Tsham Suav Txoj Kev Tswj Hwm Uas Muaj Kev Nias Qees Loj Mus Thoob Plaws Ntiaj Teb

11:13 (3) Cob Qhia Cov Neeg Sawv Cev Thoob Ntiaj Teb los Ua Txoj Kev Tsuj Nias Hla Teb Chaws

16:59 (4) Caum Cov Ntseeg Vajtswv txij ntawm Txawv Teb Chaws txog rau Hauv Teb Chaws Suav Yam Tsis Tso Tseg, Txeeb Lawv Txoj Cai Ua Neej Nyob

22:50 9. Kev Yuam Hloov Kev Xav Raws Li Txheej Txheem thiab Kev Ntxuav Hlwb Yam Siv Kev Ua Nruj Ua Tsiv los "Ntsaig Kom Txoj Kev Ntseeg Ploj Mus"

24:15 (1) Kev Hloov Kev Xav Los Ntawm Kev Qhia Kob Liab Kom Hlub Lub Teb Chaws thiab Hlub Pab Koom Tsham; Kev Ntxuav Hlwb Los Ntawm Koom Tsham Kab Lis Kev Cai

31:31 (2) Cov Ntseeg Vajtswv Raug Yuam Kom Kos Npe Rau Peb los sis Tsib Daim Ntawv; Cov Uas Tsis Kam Kos Npe Yuav Raug Tsim Txom thiab Ua Phem Rau Yam Ua Nruj Ua Tsiv