Xyoo 2024 yog thawj xyoos ntawm Tsoom Fwv Koom Tsham Suav "Kob Rog Uas Hnyav Peb Xyoos" los tawm tsam Pawg Ntseeg ntawm Vajtswv Tus Uas Muaj Hwj Chim Loj Kawg Nkaus. Txij thaum pib ntawm lub xyoo los, qhov kev ntes cov Ntseeg Vajtswv thoob plaws lub teb chaws yeej tsis tu ncua li. Lub 5 Hlis hnub tim 23, xyoo 2024, cov tub ceev xwm hauv Nroog Puav Tsau, Xeev As Huj, tau pib ib qho kev sib koom tes ntes neeg. Tshiv Mev uas muaj 79 xyoos thiab 21 tug Ntseeg Vajtswv raug ntes hauv lawv tsev vim lawv txoj kev ntseeg Vajtswv. Zaum no tom qab raug ceev cia, cov neeg ua hauj lwm hauv lub chaw ceev neeg cia ntawd tau yuam Tshiv Mev thiab lwm tus ntau zaus kom kos npe rau "Peb Daim Ntawv" (ntawv cog lus, ntawv lees txim hloov siab, thiab ntawv tso tseg) thiab tso lawv txoj kev ntseeg tseg. Tshiv Mev thiab lwm tus tsis kam ua raws, thiab raug rau txim rau lub cev, raug yuam kom zaum saum ib daim ntoo tawv 13 mus rau 14 teev rau ib hnub. Lawv raug yuam kom zaum quav ceg, ob txhais tes tso rau saum ob lub hauv caug, thiab ua kom lawv lub cev ncaj ncaj thiab tsis pub nti li. Tshiv Mev cov kaus hniav cuav kuj raug txeeb, ua rau nws yuav luag noj tsis tau mov li. Txoj kev rau txim rau lub cev sij hawm ntev dhau no ua rau tus poj niam uas laus thiab tsis muaj zog lawm no tiv tsis taus. Tsuas yog 21 hnub tom qab ntawd xwb, Tshiv Mev raug tsim txom txog qhov tuag nyob hauv lub chaw ceev neeg cia ntawd, raug Tsoom Fwv Koom Tsham Suav tua tuag vim nws txoj kev ntseeg. Tsis tas li ntawd, cov Ntseeg Vajtswv uas tseem muaj txoj sia nyob kuj muaj mob nkeeg los ntawm Tsoom Fwv Koom Tsham Suav txoj kev tsim txom. Qhov kev qhia tawm no yuav nthuav tawm qhov tseeb txog Tsoom Fwv Koom Tsham Suav txoj kev tsim txom Cov Ntseeg Vajtswv ntxiv.