Yog vim li cas koj ho ntseeg Vajtswv? Yuav luag txhua tus tib neeg meem txom rau lo lus nug no. Lawv ib txwm muaj ob txoj kev xav sib txawv txog tus Vajtswv uas muaj qab hau thiab tus Vajtswv uas nyob saum ntuj ceeb tsheej, uas qhia tias lawv ntseeg Vajtswv tsis yog yuav zwm rau Nws, tab sis kom tau txais qee yam txiaj ntsig, los sis kom khiav dim ntawm txoj kev txom nyem uas los ntawm kev puas tsuaj los ces lawv thiaj li ib nyuag yoog raws xwb. Lawv txoj kev zwm yog nce raws li qee yam xwb; nws yog rau lub hom phiaj ntawm lawv tus kheej txoj kev cia siab, thiab yuam lawv. Yog vim li ntawd, koj thiaj ntseeg Vajtswv xwb lod? Yog tias nws tsuas yog siv rau qhov koj xav tau thiab koj txoj hmoo xwb, ces nws yuav zoo dua yog tias koj tsis ntseeg li. Txoj niag kev ntseeg zoo li no yog txoj niag kev dag tus-kheej, kev ntseeg-tus kheej, thiab kev qhuas-tus kheej. Yog tias koj txoj kev ntseeg tsis yog raug tsim los ntawm lub hauv paus uas zwm rau Vajtswv, ces thaum kawg koj yuav raug rau txim rau txoj kev tawm tsam Nws. Txhua tus neeg uas tsis nrhiav kev los zwm rau Vajtswv rau hauv lawv txoj kev ntseeg ces yog tawm tsam Nws. Vajtswv hais kom tib neeg nrhiav qhov tseeb, kom lawv nqhis Nws cov lus, noj thiab haus Nws cov lus, thiab muab tej lus ntawd coj los xyaum ua, kom lawv thiaj li zwm rau Vajtswv. Yog tias cov no yog koj tej kev npaj siab uas tseeb, ces Vajtswv yuav tsa koj sawv, thiab yuav ua siab dawb siab zoo rau koj. Qhov no ua xyem xyav tsis tau thiab hloov tsis tau. Yog tias koj txoj kev npaj siab tsis yog yuav zwm rau Vajtswv, thiab koj muaj lwm yam hom phiaj, ces txhua yam uas koj hais thiab ua—koj cov lus thov Vajtswv, thiab txawm koj txhua qhov kev ua—yuav tawm tsam rau Nws. Tej zaum koj yuav hais lus mos thiab hais lus muag, tej zaum koj txhua qhov kev nqis tes ua thiab hais tawm yuav zoo, thiab tej zaum koj yuav zoo li ib tug neeg uas zwm rau, tab sis thaum hais txog koj txoj kev mob siab rau thiab koj tej kev saib txog txoj kev ntseeg Vajtswv, txhua yam koj ua yog tawm tsam Vajtswv; txhua yam koj ua yog kev phem. Cov tib neeg uas mloog lus zoo li cov yaj, tab sis lawv lub siab muaj lub siab phem lim hiam, ces yog hma hnav tawv yaj ntag. Lawv ua tub qaug kiag rau Vajtswv, thiab Vajtswv yuav tsis tseg lawv ib tug cia kiag li. Tus Vaj Ntsujplig yuav nthuav tawm ib tug zuj zus thiab txhua tus ntawm lawv cov ntawd thiab qhia rau txhua tus neeg tias tag nrho txhua tus neeg uas ncauj lus zoo siab phem, yeej muaj tseeb tiag, raug ntxub ntxaug los ntawm tus Vajntsujplig. Txhob txhawj: Vajtswv yuav xyuas thiab muab lawv txhua tus rhuav tshem kom tag nrho.

—Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Hauv Koj Txoj Kev Ntseeg Vajtswv Koj Yuav Tsum Zwm rau Vajtswv