Yog tias koj tsis muaj peev xwm lees txais qhov kaj tshiab los ntawm Vajtswv, thiab tsis tuaj yeem nkag siab tau txhua yam uas Vajtswv ua niaj hnub no thiab koj tsis nrhiav nws, los sis lwm yam uas yog koj tsis ntseeg nws, txiav txim rau nws, los sis tshuaj xyuas thiab txheeb xyuas nws, ces koj tsis muaj lub siab zwm rau Vajtswv. Yog tias, thaum qhov kaj ntawm qhov no thiab tam sim no tshwm sim tuaj, koj pheej tseem khaws qhov kaj qub nag hmo thiab tawm tsam Vajtswv txoj hauj lwm tshiab, ces koj tsis muaj dab tsi zoo tshaj li ib tug neeg ruam—koj yog ib tug ntawm cov neeg uas txhob txwm tawm tsam Vajtswv. Tus yuam sij rau txoj kev zwm rau Vajtswv ntawd yog txoj kev lees yuav txoj kev kaj tshiab, thiab muaj peev xwm lees txais nws tau thiab muab nws coj mus xyaum siv. Tib qho no xwb thiaj li yog kev mloog lus tiag. Cov uas tsis muaj lub siab xav los xav rau Vajtswv tsis muaj peev xwm zwm rau Nws tau, thiab tsuas tawm tsam Vajtswv xwb vim ntawm lawv txoj kev txaus siab nrog rau tus xwm txheej tam sim no. Tus tib neeg ntawd tsis tuaj yeem zwm rau Vajtswv vim nws raug nkag rau los ntawm yam uas muaj los ua ntej lawm. Txhua yam uas los ua ntej ntawd tau ua rau tib neeg muaj txhua yam kev xav phem thiab ntau yam kev xav hauv nruab siab txog Vajtswv thiab cov no tau dhau los ua Vajtswv tus yam ntxwv nyob rau hauv lawv lub siab. Yog li ntawd, yam uas lawv ntseeg txog yog lawv cov kev xav, thiab cov qauv ntawm lawv tus kheej lub tswv yim. Yog tias koj ntsuas tus Vajtswv uas ua tes hauj lwm tiag tiag niaj hnub no rau tus Vajtswv ntawm koj tus kheej txoj kev xav, ces koj txoj kev ntseeg yog los ntawm Dab Ntxwgnyoog los, thiab raug tsuas los ntawm koj tus kheej txoj kev nyiam—Vajtswv tsis xav tau txoj kev ntseeg zoo li no. Txawm hais tias lawv qhov kev ntseeg siab yuav loj npaum li cas los xij, thiab txawm hais tias lawv yuav mob siab npaum li cas los xij—txawm hais tias yog lawv tau mob siab siv zog tas nws lub neej rau Nws txoj hauj lwm, thiab tau tuag rau lawv tus kheej—Vajtswv tsis pom zoo rau ib tug neeg uas muaj txoj kev ntseeg zoo li no. Nws tsuas lam muab txiaj ntsig rau lawv ib qho me me thiab pub lawv tau txais kev lom zem ib nyuag pliag xwb. Cov neeg zoo li no tsis tuaj yeem muab qhov tseeb coj mus xyaum tau. Tus Vajntsujplig tsis ua hauj lwm nyob rau hauv lawv, thiab Vajtswv yuav muab lawv rhuav tshem ib tug zuj zus pauj. Tus hluas thiab tus laus los tib yam nkaus, cov uas tsis zwm rau Vajtswv hauv lawv txoj kev ntseeg thiab muaj lub siab xav yuam kev yog cov uas tawm tsam thiab tab kaum, thiab cov neeg no yuav raug Vajtswv muab rhuav tshem yam tsis muaj lus nug dab tsi li. Cov neeg uas tsis muaj kev zwm rau Vajtswv ib qho me me li, cov uas tsuas yog lam lees paub Nws lub npe, thiab muaj qee qhov kev paub txog Vajtswv txoj kev ua siab zoo thiab kev hlub, tab sis tseem tsis ua raws li cov kauj ruam ntawm tus Vajntsujplig, thiab tsis ua raws li tes hauj lwm tam sim no thiab cov lus ntawm tus Vajntsujplig—cov neeg no ua neej nyob rau nruab nrab ntawm Vajtswv txoj kev hlub, thiab yuav tsis raug txais los yog ua kom zoo tiav log los ntawm Nws. Vajtswv ua rau tib neeg zoo tiav log los ntawm lawv txoj kev zwm rau, los ntawm lawv txoj kev noj, kev haus thiab kev zoo siab xyiv fab hlo rau Vajtswv cov lus, thiab los ntawm kev txom nyem thiab kho kom zoo hauv lawv lub neej. Tsuas yog los ntawm txoj kev ntseeg xws li qhov no thiaj tuaj yeem ua tau rau tib neeg cov cwj pwm hloov, thiab tsuas yog tom qab ntawd lawv thiaj li muaj peev xwm muaj txoj kev paub tseeb tiag ntawm Vajtswv. Tsis txaus siab nyob rau nruab nrab ntawm Vajtswv txoj kev hlub, rau siab nrhiav thiab tshawb nrhiav qhov tseeb, thiab nrhiav kom tau kev txais los ntawm Vajtswv—qhov no yog lub ntsiab rau txoj kev zwm rau Vajtswv thiab qhov no yog hom kev ntseeg uas Nws xav tau. Cov neeg uas tsis ua dab tsi ntau tshaj li kev txaus siab rau kev nyob hauv nruab nrab Vajtswv txoj kev hlub yuav ua tsis tau kom zoo tiav log los sis hloov tsis tau; thiab lawv txoj kev zwm, kev ntseeg, kev hlub, thiab kev ua siab ntev txhua yam nyob ntiav ntiav xwb. Cov neeg uas tsuas txaus siab rau Vajtswv txoj kev hlub xwb ces tsis muaj peev xwm paub tau Vajtswv tiag, thiab txawm thaum lawv paub Vajtswv los, lawv txoj kev paub tsuas yog yam ntiav ntiav xwb, thiab lawv hais ntau yam tias “Vajtswv hlub tib neeg” los sis “Vajtswv muaj kev hlub tshua rau tib neeg.” Qhov no tsis sawv cev lub neej ntawm tib neeg, thiab tsis qhia tias tib neeg paub Vajtswv tiag. Yog tias, thaum Vajtswv cov lus hloov lawv, los sis thaum Nws cov kev sim siab los rau lawv, ces tib neeg tsis tuaj yeem zwm tau rau Vajtswv—yog tias, lawv tsis ua xyem xyav, thiab poob qis—ces lawv yuav tsis zwm ib qho me me li. Nyob rau hauv lawv, muaj ntau txoj cai tswj hwm thiab kev txwv txog kev ntseeg Vajtswv, cov kev ntsib kev pom qub uas tau tshwm sim hauv ntau xyoo ntawm txoj kev ntseeg, los sis ntau cov kev cai raws li phau Vajluskub. Cov tib neeg zoo li no puas muaj peev xwm zwm tau rau Vajtswv mas? Cov neeg no muaj tib neeg txoj kev xav puv ntia—lawv yuav zwm rau Vajtswv tau li cas? Lawv “txoj kev zwm” ntawd yog los ntawm tus kheej txoj kev nyiam—Vajtswv puas yuav xav tau txoj kev zwm zoo li no mas? Nov tsis yog txoj kev zwm rau Vajtswv, tab sis ua raws li cov kev cai xwb; nws yog qhov kev txaus siab thiab kev ua raws lawv tus kheej lub siab nyiam xwb. Yog koj hais tias qhov no yog txoj kev zwm rau Vajtswv, puas yog koj saib tsis taus Nws lawm mas? Koj yog Iyiv Tus Vaj Ntxwv. Koj ua kev phem, thiab koj muaj kev koom tes tiag rau txoj hauj lwm tawm tsam Vajtswv—qhov no yog yam uas Vajtswv xav kom koj ua hauj lwm pab lod? Koj yuav tsum maj nrawm nroos los hloov dua siab tshiab, thiab sim ua kom paub txog tus kheej kom zoo. Qhov ua tsis tiav qhov ntawd, ces qhov zoo dua ces koj cia li mus tsev xwb; qhov ntawd yuav ua rau koj zoo dua koj txoj kev lees ua qhev rau Vajtswv. Koj yuav tsis tab kaum thiab cuam tshuam; koj yuav paub koj qhov chaw nyob, thiab nyob zoo—qhov no yuav tsis zoo dua lod? Thiab koj yuav tsis raug rau lub txim vim yog tawm tsam Vajtswv!

—Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Hauv Koj Txoj Kev Ntseeg Vajtswv Koj Yuav Tsum Zwm rau Vajtswv