Kuv tau muab ntau cov lus ceeb toom rau nej lawm thiab tau txhob txwm muab ntau qhov tseeb los rau nej kom txeeb tau nej. Tam sim no, nej txhua tus xav tseem ceeb zuj zus ntxiv ntau dua li nej tau ua yav dhau los lawm, tau los nkag siab ntau txoj kev qhia txog ntawm qhov seb ib tug tib neeg tsim nyog yuav tsum zoo li cas, thiab nej tau los muaj kev nkag siab ntau yam heev uas tsim nyog cov tib neeg ncaj ncees yuav tsum muaj. Tag nrho cov no yog cov qoob loo uas nej tau sau nyob rau ntau xyoo dhau los lawm. Kuv tsis tau tsis lees paub nej txoj kev ua tiav, tiam sis Kuv kuj yuav tsum hais ncaj ncaj tias Kuv kuj tsis tau tsis lees paub cov kev ntxeev siab thiab kev rov taw tuam ntuj uas nej tau ua tawm tsam Kuv rau ntau xyoo dhau los nov lawm thiab, vim rau qhov hais tias nej tsis muaj ib tug neeg dawb huv li. Nej yog, yam tsis muaj kev zam li, cov tib neeg uas tau raug Ntxwgnyoog ua coj tsis ncaj lawm; nej yog Tswv Yexus cov yeeb ncuab. Los txog niaj hnub nim no, nej txoj kev txhaum thiab kev ntxeev siab ntawd tau muab suav mas muaj ntau heev li lawm, yog li nws tuaj yeem yog ib qho txiav txim siab nyuaj txawv kawg uas Kuv pheej rov qab nug nej tas li. Kuv tsis xav koom nrog nej txog qhov no li lawm—tiam sis vim nej lub neej yav tom ntej, vim nej cov hom phiaj, Kuv yuav, ntawm no thiab tam sim no, yws nej. Ntxiv ntawd, Kuv vam tias koj yuav qhia tau txoj kev to taub kom ntau ntxiv thiab tias nej yuav muaj peev xwm ntseeg Kuv txhua lo lus thiab zoo siab rau cov ntsiab lus tob tob ntawm Kuv cov lus. Tsis txhob ua xyem xyav txog yam Kuv hais, es cia li lam khaws Kuv cov lus ces tom qab ntawd muab cov lus ntawd pov tseg raws li siab nyiam; qhov no Kuv thev tsis taus. Tsis txhob txiav txim rau Kuv cov lus, thiab tseem tsawg dua li koj yuav tsum coj lawv sib sib los sis hais tias Kuv ib txwm sim nej los sis, phem dua, tias yam uas Kuv tau hais rau nej lawm mas tsis yog. Tej yam no Kuv kuj thev tsis taus thiab. Vim tias nej pheej muaj kev ua xyem xyav txog Kuv thiab yam Kuv hais, pheej tsis quav ntsej Kuv thiab Kuv cov lus li, Kuv qhia rau nej txhua txhua tus tiag tiag li hais tias: Tsis txhob muab yam Kuv hais coj los txuas nrog lub tswv yim; tsis txhob muab Kuv cov lus coj los txuas nrog ib tug neeg dag cov lus dag. Nej haj yam yuav tsum tsis txhob lam tau lam hais lus thuam rau Kuv cov lus. Tej zaum lub neej tom ntej yuav tsis muaj leej twg muaj peev xwm qhia nej txog yam uas Kuv tab tom qhia nej los sis hais lus zoo zoo rau nej, los sis, tseem tsawg dua li, coj nej taug kev dhau cov theem no yam ua siab ntev heev. Nej yuav siv cov sij hawm ntawd los nco txog lub sij hawm zoo, los sis quaj qw nrov nrov los sis ntsaj mob mob, los sis nej yuav tau nyob hauv hmo tsaus ntuj nti yam tsis muaj kev muab qhov tseeb los yog txoj sia, los sis tsuas yog nyob tos yam tsis muaj kev cia siab li, los sis ua neej nyob hauv txoj kev khuv xim iab iab zoo li no uas nej poob tag nrho cov laj thawj…. Tseeb tiag lawm yeej tsis muaj nej leej twg tuaj yeem khiav dim cov kev tshwm sim no li. Vim tias tsis muaj nej leej twg kav ib lub rooj zaum uas nej pe hawm Vajtswv tiag tiag, tiam sis muab nej tus kheej tsau rau hauv lub ntiaj teb tej kev tsis zoo thiab kev phem, coj los tov xyaw rau hauv nej txoj kev ntseeg, rau hauv nej cov ntsujplig, cov ntsuj, thiab tej cev, muaj ntau yam uas ua tsis tau dab tsi rau lub neej thiab qhov tseeb thiab qhov tseeb tiag yog kev tawm tsam lawv. Yog li ntawd, yam uas Kuv cia siab rau nej yog ib txoj kev rau nej kom tau txais txoj kev kaj. Kuv ib txoj kev cia siab ces yog tias nej tuaj yeem dhau los muaj peev xwm ntawm qhov quav ntsej txog nej tus kheej, saib xyuas nej tus kheej, thiab kom nej tsis txhob tso siab ntau rau nej lub hom phiaj thaum saib txog nej tus cwj pwm thiab kev txhaum nrog rau kev tsis ntxim siab.

—Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Kev Txhaum Yuav Coj Tib Neeg mus rau Dab Teb