Txhua tus neeg muaj peev xwm siv lawv tus kheej cov lus thiab tej kev nqis tes ua tam rau ntawm lawv lub qe tseeb. Lub qe tseeb no yog lawv tus yeeb yam tiag. Yog koj yog tus neeg uas hais lus tsis ncaj, ces koj muaj tus yeeb yam tsis ncaj. Yog koj muaj tus yeeb yam txawj ntxias dag, ces koj yeej coj tus cwj pwm qias vuab tsuab, thiab koj ua rau lwm tus neeg raug koj dag ntxias tau yooj yim heev. Yog koj tus yeeb yam yeej txawj dag, ces tej zaum koj cov lus hais yeej zoo mloog, tab sis koj tej kev nqis tes ua yeej ua raws nraim li koj qhov lim hiam ntawd. Yog koj muaj tus yeeb yam tub nkeeg, ces tag nrho tej lus koj hais ntawd tsuas yog muab koj qhov ua txhaum thiab tej kev tub nkeeg ntawd pov tseg xwb, thiab koj yuav nqis tes ua qeeb thiab lam ua saum daim tawv xwb, thiab paub zoo txog kev npog qhov tseeb. Yog koj muaj tus yeeb yam txawj nplig siab rau lwm tus, ces koj tej lus yeej muaj qab hau, thiab nqis tes ua tau zoo raws li qhov tseeb. Yog koj tus yeeb yam coj ncaj, ces koj tej lus yeej muaj tseeb thiab yam koj nqis tes ua ntawd yeej tsis ua rau koj tus tswv muaj kev nyuaj siab txog. Yog koj tus yeeb yam nyiam kev plees kev yi los sis ntshaw nyiaj txiag, ces koj lub siab yeej puv npo rau tej ntawd nkaus xwb, thiab koj yuav ua tej yam txawv txawv, coj tsis ncaj yam tsis tau txhob txwm, qhov ntawd yuav ua rau tib neeg nco qab tas li tsis ploj thiab yuav ua rau tib neeg tsis nyiam kiag li. Ib yam li Kuv nyuam qhuav hais dhau los, yog koj muaj tus yeeb yam kev ntxeev siab, ces yuav ua rau koj muab nws daws tawm ntawm koj tau nyuaj heev. Txhob tso siab tias yog koj tsis tau ua txhaum dab tsi rau lwm tus, ces koj yuav tsis muaj tus yeeb yam kev ntxeev siab. Yog koj xav li ntawd tiag tiag, ces yog koj tab tom tig ntxeev siab tuaj. Tag nrho Kuv cov lus, txhua zaus Kuv hais, yog hais rau txhua tus tib neeg, tsis yog hais rau ib tug neeg los sis hais rau ib hom neeg xwb. Qhov ntawd vim tias koj tsis tau ntxeev siab rau Kuv los yeej tseem tsis ua pov thawj tau tias koj yuav tsis ntxeev siab rau Kuv tau los ntawm ib yam dab tsi li. Ib txhia tib neeg, thaum npaj lawv txoj kev sib yuav, lawv tsis muaj kev ruaj siab rau hauv txoj kev nrhiav qhov tseeb. Ib txhia tib neeg tso lawv tes hauj lwm coj ncaj rau Kuv tseg thaum tsev neeg tawg tag. Ib txhia tib neeg tsis quav ntsej Kuv tawm mus nrhiav kev zoo siab thiab lom zem. Ib txhia tib neeg yuav poob mus rau hauv ib lub qhov ntuj dub ntau dua qhov ua lub neej rau txoj kev kaj thiab zoo siab txais tes dej num ntawm tus Vajntsujplig. Ib txhia tib neeg las mees tej lus qhuab qhia ntawm tej phooj tej ywg vim tsuas muaj kev txaus siab rau lawv txoj kev nplua nuj, thiab niaj hnub tam sim no lawv yeej tseem tsis lees paub lawv txoj kev ua txhaum thiab hloov lawv txoj kev xav ntawd. Ib txhia tib neeg uas ua neej nyob ib ntus nyob rau hauv Kuv lub npe xwb kom tau txais Kuv txoj kev tiv thaiv xwb, hos ib txhia lam muab kev hwm me ntsis rau Kuv raws li qhov raug yuam vim tias lawv hawm ncaj ncees rau txoj sia thiab ntshai txoj kev ploj tuag. Tag nrho tej yam kev ua txhaum, uas yog, ntxiv ntawd, uas tsis muaj kev ncaj ncees no, tsuas yog tej cwj pwm ntawm cov tib neeg uas tau ntxeev siab rau Kuv nyob hauv lawv lub siab los ntev lawm xwb los? Qhov tseeb tiag, Kuv paub tias tib neeg tsis npaj kev ntxeev siab ua ntej rau Kuv; lawv txoj kev ntxeev siab yog tshwm sim raws li qhov ib txwm muaj ntawm lawv tus yeeb yam. Tsis muaj leej twg xav ntxeev siab rau Kuv, thiab tsis muaj leej twg zoo siab vim lawv tau ua qee yam ntxeev siab rau Kuv. Muab hais ua rov qab qees tias, lawv tab tom ntshai tshee hnyo puas yog? Yog li ntawd, puas yog nej tab tom xav tias yuav ua li cas thiaj khiav dim tej kev ntxeev siab no, thiab yuav ua li cas thiaj hloov qhov xwm txheej tam sim no tau?

—Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Ib Qho Teeb Meem Loj Heev: Kev Ntxeev Siab (1)