1

Au…

Cas peb yuav zoo siab ua luaj uas tau nrog cov kwv tij thiab cov nkauj muam tuaj sib sau ua ke,

hu nkauj, seev cev thiab ntaus nruas,

qhuas Vajtswv Tus Uas Muaj Hwj Chim Loj Kawg Nkaus rau qhov Nws kov yeej Ntxwgnyoog lawm.

Vajtswv zoo siab yog li ntawd peb kuj zoo siab thiab.

Vajtswv twb tsim tau ib pab kov yeej lawm.

Txoj moo zoo uas hais txog lub nceeg vaj ntawd twb nthuav mus rau txhua ceg kaum ntuj lawm.

Vajtswv tes hauj lwm loj twb tiav, Nws twb tau koob meej lawm.

Peb txhos caug ua ntsej muag ti nkaus av, qhuas Nws tej dej num.

2

Au…

Thaum nyeem Vajtswv cov lus mas muaj qhov txaus siab heev,

qhov to taub qhov tseeb ntawd ua rau peb muaj hwj chim.

Tsuas yog cov uas ua lawv tej dej num tiav los ntawm lub siab ncaj ncees thiaj li hlub Vajtswv xwb.

Cia li sawv rees los ua tim khawv rau Vajtswv thiab qhuas Vajtswv.

Peb raug Ntxwgnyoog muab ua qias vuab tsuab heev,

tiam sis peb tau koob hmoov heev uas Vajtswv ntxuav peb dawb huv thiab cawm peb dim lawm.

Cia li qhuas Nws! Cia li qw xyiv fab! Vajtswv tus moj yam mas ntxim hlub heev.

Qhov ua tim khawv rau Vajtswv tes hauj lwm ntawd yog peb tes dej num.

3

Au…

Vajtswv Tus Uas Muaj Hwj Chim Loj Kawg Nkaus tus moj yam mas ncaj ncees thiab dawb huv,

Nws cov lus txiav txim thiab yaug Vajtswv cov neeg txhua tus dawb huv lawm.

Txhua tus tib neeg uas raug tsim tawm los cia li los ua tim khawv rau Vajtswv,

ua tim khawv rau Nws txoj kev cawm txhua tus tib neeg ntiaj teb dim uas zoo heev.

Vajtswv cov lus ntxuav peb dawb huv thiab hloov peb los ua cov tib neeg tshiab.

Peb muab Ntxwgnyoog txoj kev haub ntxias tso pov tseg

es los ua lub neej nyob rau hauv txoj kev kaj lawm.

Txhua tus tib neeg uas raug tsim tawm los cia li los pe hawm Vajtswv,

thiab qhuas Vajtswv Tus Uas Muaj Hwj Chim Loj Kawg Nkaus rau qhov Nws tau koob meej lawm!

los ntawm Raws Tus Me Nyuam Yaj Qab thiab Hu Cov Nkauj Tshiab