1

Vajtswv Tus Uas Muaj Hwj Chim Loj Kawg Nkaus tau coj peb los txog rau qhov peb nyob hnub no.

Nws txo hwj chim thiab tsis cia leej twg pom, Nws tau hnav cev nqaij daim tawv

los ywg dej thiab saib xyuas peb.

Nws nthuav qhov tseeb tawm thiab pub txoj sia, Nws yog peb lub qhov dej txhawv uas cawm txoj sia.

Thaum noj thiab haus Vajtswv cov lus, mas peb zoo siab yam tsis muaj dab tsi piv tau li.

Vajtswv cov lus coj peb los raws Nws qab yam ti heev.

Raws Vajtswv Tus Uas Muaj Hwj Chim Loj Kawg Nkaus qab mas,

ua rau peb zoo siab, kaj siab, thiab txaus siab heev.

2

Vajtswv Tus Uas Muaj Hwj Chim Loj Kawg Nkaus tau coj peb los txog rau qhov peb nyob hnub no.

Nws txoj kev txiav txim, tej kev sim siab, thiab tej kev lim kom dawb huv ntawd

yaug peb txoj kev qias vuab tsuab kom dawb huv.

Vim tej kev txom nyem, tej kev nyuaj siab, thiab tej kev sim siab,

peb thiaj li pom Vajtswv tus moj yam ncaj ncees.

Peb muaj kev hwm Nws thiab ua raws li

Nws txhua txoj kev coj kev qhia thiab kev npaj.

Peb haj yam hlub Vajtswv Tus Uas Muaj Hwj Chim Loj Kawg Nkaus hauv peb lub siab.

Peb muab peb lub siab fij rau Nws tag nrho thiab ua tim khawv kom Nws tau koob meej.

3

Vajtswv Tus Uas Muaj Hwj Chim Loj Kawg Nkaus tau coj peb los txog rau qhov peb nyob hnub no.

Nws cov lus coj peb hla dhau tej kev tsim txom, tej kev txom nyem, thiab tej kev sim siab.

Nws nrog peb tiv txoj kev nyuaj siab thiab ua rau peb muaj kev ntseeg thiab muaj lub zog.

Qhov Vajtswv nthuav qhov tseeb tawm mas muaj nqis heev;

Nws cawm tau peb tiag tiag lawm!

Peb paub txog qhov Vajtswv zoo ntxim hlub ntau heev.

Peb tau txais ntau yam heev los ntawm qhov raws Vajtswv Tus Uas Muaj Hwj Chim Loj Kawg Nkaus qab

thiab qhov to taub qhov tseeb.

4

Vajtswv Tus Uas Muaj Hwj Chim Loj Kawg Nkaus tau coj peb los txog rau qhov peb nyob hnub no.

Peb kaj siab tiag tiag uas tau txais qhov tseeb thiab tau rhais ua cov tib neeg tshiab

uas nyob rau ntawm Vajtswv lub xub ntiag!

Peb zoo siab thiab txaus siab yam qhia tsis tau li uas peb tau los paub tus Vajtswv uas muaj tiag.

Peb yuav tsum ua peb tej dej num los ntawm lub siab ncaj ncees kom mus txog thaum kawg

los pauj Nws txoj kev hlub.

Peb taug tus Me Nyuam Yaj cov hneev taw;

peb raws Nws cov hneev taw kom ti mus rau tom ntej,

ua tim khawv rau Nws los ntawm lub siab ncaj ncees kom mus txog hnub tuag.

Peb raws Nws cov hneev taw kom ti mus rau tom ntej,

ua tim khawv rau Nws los ntawm lub siab ncaj ncees kom mus txog hnub tuag.

los ntawm Raws Tus Me Nyuam Yaj Qab thiab Hu Cov Nkauj Tshiab