1

Vajtswv Tus Uas Muaj Hwj Chim Loj Kawg Nkaus nthuav qhov tseeb tawm

thiab tshwm los ua hauj lwm.

Peb hnov Nws lub suab thiab mus koom rooj mov.

Peb noj, haus, thiab nyeem Nws txoj lus,

es thiaj li to taub tej uas tsis muaj neeg paub txog lub neej.

Peb cov uas raws tus Khetos ntawm tiam kawg qab cas yuav tau koob hmoov ua luaj.

Au Vajtswv Tus Uas Muaj Hwj Chim Loj Kawg Nkaus uas kuv hlub,

Koj txoj kev npaj tseg ua ntej thiab txoj kev xaiv ntawd

cais peb tawm ntawm lub ntiaj teb no

thiab tso peb dim ntawm Ntxwgnyoog txoj kev haub ntxias.

Vim txoj kev ywg dej thiab txoj kev pab ntawm Vajtswv txoj lus,

peb thiaj li tau nyob rau ntawm Vajtswv lub xub ntiag,

ua ib lub neej nyob rau hauv pawg ntseeg, thiab taug txoj kev yog nyob rau hauv lub neej.

Peb hu nkauj thiab seev cev qhuas Vajtswv Tus Uas Muaj Hwj Chim Loj Kawg Nkaus.

Vajtswv Tus Uas Muaj Hwj Chim Loj Kawg Nkaus muab qhov tseeb thiab txoj sia rau peb.

Peb hlub Vajtswv hauv peb lub siab

thiab pe hawm Vajtswv Tus Uas Muaj Hwj Chim Loj Kawg Nkaus.

Peb ua tim khawv nrov nrov los qhuas Vajtswv.

2

Thaum peb noj thiab haus Vajtswv txoj lus, peb to taub qhov tseeb thiab muaj kev ntseeg heev.

Peb tso txhua yam tseg los muab peb tus kheej fij rau Vajtswv

thiab ua peb tej dej num kom tiav.

Peb tshaj tawm lub nceeg vaj txoj moo zoo

yam tsis ntshai qhov kev phom sij los sis kev txom nyem li.

Peb ua siab ncaj ncees ua peb tej dej num kom tiav

thiab ua kom tau raws li Vajtswv tej kev npaj siab.

Au Vajtswv Tus Uas Muaj Hwj Chim Loj Kawg Nkaus uas kuv hlub, Koj nrog peb nyob.

Koj nthuav ntau qhov tseeb tawm thiab kov yeej peb lub siab.

Koj txiav txim thiab rau txim rau peb, muab txoj kev txom nyem los lim kom peb dawb huv,

thiab yaug peb kom dawb huv thiab hloov peb.

Tib neeg tsim nyog hlub Vajtswv txoj kev dawb huv thiab kev ncaj ncees.

Peb paub qhov Vajtswv txaus ntshai, lub siab zoo, thiab qhov ntxim hlub,

thiab zwm rau ntawm Vajtswv lub xub ntiag mus tag ib txhiab ib txhis.

Peb muab tag nrho peb tus kheej tso rau hauv Vajtswv ob txhais tes,

thiab ua raws li Vajtswv tej kev coj kev qhia thiab tej kev npaj.

Thov kom muaj tiav li Vajtswv lub siab nyiam.

los ntawm Raws Tus Me Nyuam Yaj Qab thiab Hu Cov Nkauj Tshiab