1

Thaum hnov Vajtswv lub suab

mas ua rau peb raug tsa sawv los rau ntawm Nws lub xub ntiag.

Peb pom hais tias Vajtswv cov lus yog qhov tseeb,

thiab cov lus ntawd kov yeej peb lub siab lawm.

Vim txoj kev txiav txim thiab kev rau txim

es thiaj li yaug tau peb txoj kev qias vuab tsuab dawb huv lawm.

Peb ntseeg khov kho hais tias Vajtswv yog qhov tseeb,

thiab peb taug Nws cov hneev taw ti heev.

Peb raug txhua yam kev tsim txom thiab kev txom nyem,

tiam sis Vajtswv cov lus coj peb kev.

Peb tau ntsib tau pom Vajtswv txoj kev hlub ntau heev,

es peb thiaj li txiav txim siab raws Vajtswv qab tiag tiag.

Peb raug tej kev sim siab, tej kev txom nyem, thiab kev lim tib neeg kom dawb huv,

es peb thiaj li hais cov lus tim khawv uas muaj yeej los qhuas Vajtswv.

Peb pom hais tias Lub Hnub ntawm txoj kev ncaj ncees tau tshwm tuaj lawm;

peb txhua tus yog cov ua tim khawv rau Vajtswv.

2

Vajtswv tau yug los ua neeg los cawm tib neeg, Nws raug txhua yam kev rhuav tshej muag.

Tib neeg tsis kam txais yuav Nws thiab to taub Nws yuam kev,

Nws tsis yws los sis tu siab li.

Peb zoo li cov hmoov av xwb, tiam sis Vajtswv tsa peb sawv,

es peb thiaj li tau txais qhov tseeb thiab txoj sia; qhov no yog Vajtswv txoj kev hlub loj tiag tiag.

Peb xyaum ua cov tib neeg coj ncaj thiab ua neej kom zoo nkaus li ib tug tib neeg.

Peb ua peb tej dej num kom zoo los pauj Vajtswv txoj kev hlub.

Yuav kom tshaj tawm thiab ua tau tim khawv rau lub nceeg vaj txoj moo zoo mas,

peb yuav tsum ua lub siab ncaj ncees los ua kom Vajtswv txaus siab.

Txawm yuav raug kev txom nyem dab tsi los xij, peb yuav tsis yws;

peb tsuas nrhiav kev los hlub Vajtswv kom kawg peb lub siab lub ntsws xwb.

Peb raug tej kev sim siab, tej kev txom nyem, thiab kev lim tib neeg kom dawb huv,

es peb thiaj li hais cov lus tim khawv uas muaj yeej los qhuas Vajtswv.

Peb pom hais tias Lub Hnub ntawm txoj kev ncaj ncees tau tshwm tuaj lawm;

peb txhua tus yog cov ua tim khawv rau Vajtswv.

los ntawm Raws Tus Me Nyuam Yaj Qab thiab Hu Cov Nkauj Tshiab