1

Leej twg cov lus thiab cov lus hais

uas qhia kom cov uas nyob rau hauv txoj kev tsaus ntuj pom qhov kaj?

Leej twg cov lus thiab cov lus hais uas coj peb mus nyob rau ntawm Vajtswv lub xub ntiag?

Leej twg nthuav qhov tseeb tawm txhua hnub los pab peb thiab ywg dej rau peb?

Leej twg cov lus thiab cov lus hais ua rau peb to taub qhov tseeb?

Au, Vajtswv Tus Uas Muaj Hwj Chim Loj Kawg Nkaus, Tus Uas Peb Hlub.

Koj yog tus Cawm Seej uas rov qab los, yog Neeg Leej Tub qhov kev tshwm sim.

Au, Vajtswv Tus Uas Muaj Hwj Chim Loj Kawg Nkaus, Tus Uas Peb Hlub.

Koj tshwm los ua hauj lwm, thiab nthuav qhov tseeb tawm,

coj txoj kev kaj los rau tib neeg.

2

Leej twg cov lus muaj nqis tshaj plaws, thiab yog qhov tseeb thiab yog txoj sia?

Leej twg cov lus ntxhuav peb txoj kev qias vuab tsuab kom dawb huv,

thiab hloov peb mus ua cov tib neeg tshiab?

Leej twg cov lus ncaj ncees thiab muaj hwj chim tshaj zoo li ib rab ntaj uas ntse,

es kov yeej cov tib neeg coob coob lub siab thiab ua kom lawv zwm rau Vajtswv?

Au, Vajtswv Tus Uas Muaj Hwj Chim Loj Kawg Nkaus, Tus Uas Peb Hlub.

Koj cov lus txiav txim rau tib neeg thiab yaug tib neeg kom dawb huv,

thiab coj txoj kev uas tau txoj sia mus ib txhiab ib txhis los.

Au, Vajtswv Tus Uas Muaj Hwj Chim Loj Kawg Nkaus, Tus Uas Peb Hlub.

Koj nthuav qhov tseeb tawm los yaug kom peb dawb huv

es peb thiaj li tau nyob rau ntawm Koj lub xub ntiag.

3

Leej twg cov lus thiaj li nthuav mus rau txhua txoj xub ke?

Lub npe dawb huv uas nthuav tawm ntawd yog leej twg lub?

Leej twg cov lus kov yeej Vajtswv cov tib neeg nyob rau txhua lub teb chaws,

es kom lawv thiaj li rov los rau ntawm Nws lub zwm txwv?

Leej twg cov lus thiaj li zoo li ib txog hlua khi, uas khi peb lub siab,

kom peb thiaj li muab tau peb lub siab ncaj ncees fij rau Vajtswv

tsis hais peb yog haiv neeg twg los sis nyob rau lub teb chaws twg?

Au, Vajtswv Tus Uas Muaj Hwj Chim Loj Kawg Nkaus, Tus Uas Peb Hlub.

Koj cov tib neeg qhuas Koj tag siab nrho,

peb hu cov nkauj hlub Koj yam tsis tso tseg li.

Au, Vajtswv Tus Uas Muaj Hwj Chim Loj Kawg Nkaus, Tus Uas Peb Hlub.

Koj cov tib neeg ua tim khawv rau Koj,

thiab yuav zwm rau Koj, thiab hlub Koj mus ib txhiab ib txhis li.

los ntawm Raws Tus Me Nyuam Yaj Qab thiab Hu Cov Nkauj Tshiab