1

Vajtswv Tus Uas Muaj Hwj Chim Loj Kawg Nkaus hlub kuv tiag tiag li,

thiab qhov no yog qhov kuv tau ntsib tau pom lawm.

Vajtswv hais lus txhua hnub thiab ywg dej thiab saib xyuas tib neeg kiag.

Kev noj, kev haus, thiab kev xyiv fab rau Vajtswv txoj lus ntawd

ua rau kuv lub siab paub meej thiab kuv ob lub qhov muag pom kev tseeb.

Qhov to taub qhov tseeb ntawd, ua rau kuv lub siab muaj kev ywj pheej

thiab nyob rau ntawm Vajtswv lub xub ntiag.

Vajtswv hlub kuv, Vajtswv hlub kuv, thiab Vajtswv txoj kev hlub yog qhov muab tau kuv.

Kuv muab txhua yam tso tseg los raws Vajtswv qab,

kuv ua siab ncaj ncees ua kuv tes dej num los muab kuv tus kheej fij rau Vajtswv;

kuv raws Vajtswv qab nyob rau ntawm txoj kev kaj ntawm lub neej.

2

Vajtswv Tus Uas Muaj Hwj Chim Loj Kawg Nkaus hlub kuv tiag tiag li,

thiab qhov no yog qhov kuv tau ntsib tau pom lawm.

Vajtswv txoj lus muab tib neeg tus moj yam qias vuab tsuab nthuav tawm thiab txiav txim.

Kuv paub kuv tus kheej tiag tiag, thiab kuv tus moj yam hloov lawm.

Kuv ua neej zoo nkaus li ib tug tib neeg,

tau txais kev pom zoo los ntawm Vajtswv, thiab kuv lub siab xyiv fab.

Kuv hlub Vajtswv, kuv hlub Vajtswv, thiab Vajtswv txoj lus yog qhov hloov kuv.

Kuv muab kuv lub siab tseeb fij rau Vajtswv Tus Uas Muaj Hwj Chim Loj Kawg Nkaus,

thiab txawm Nws yuav npaj los sis coj qhia dab tsi los xij,

kuv kawg ua raws li Vajtswv tej kev npaj ntawd xwb.

3

Vajtswv Tus Uas Muaj Hwj Chim Loj Kawg Nkaus hlub kuv tiag tiag li,

thiab qhov no yog qhov kuv tau ntsib tau pom lawm.

Vajtswv saib xyuas kuv thaum raug kev tsim txom thiab kev txom nyem.

Vajtswv txoj lus qhia thiab coj kuv kev thiab ua rau kuv muaj kev ntseeg.

Kuv to taub Vajtswv tej kev npaj siab thiab ua tim khawv nrov nrov rau Nws.

Kuv raws Vajtswv qab thiab ua tim khawv rau Vajtswv; nov yog txoj kev uas kuv xav taug.

Txawm kuv yuav ntsib teeb meem dab tsi los xij,

Vajtswv txoj kev hlub txhawb kuv lub zog kom siv zog mus rau tom ntej.

Kuv yuav tau ua siab ncaj ncees rau Vajtswv kom mus txog hnub tuag

los hlub Vajtswv thiab ua tim khawv rau Vajtswv.

4

Vajtswv Tus Uas Muaj Hwj Chim Loj Kawg Nkaus hlub kuv tiag tiag li,

thiab qhov no yog qhov kuv tau ntsib tau pom lawm.

Kuv khaws Vajtswv cov lus txib rau hauv kuv lub siab khov kho thiab tsis tos ntxiv lawm.

Txoj kev tshaj tawm txoj moo zoo thiab kev ua tim khawv rau Vajtswv ntawd

mas yog qhov tim tsum ceev tshaj plaws;

kuv yuav tsum kub siab lug koom tes nrog Vajtswv los ua kom Nws txaus siab.

Kuv yuav tsum mob siab rau Vajtswv, ua kom Vajtswv txaus siab,

thiab pauj Vajtswv txoj kev hlub.

Kuv yuav tsum muab tag nrho kuv tus kheej fij rau Vajtswv,

thiab ua kom zoo tshaj plaws los ua kom tiav Vajtswv cov lus txib,

kom Vajtswv thiaj li tau koob meej sai li sai tau.

los ntawm Raws Tus Me Nyuam Yaj Qab thiab Hu Cov Nkauj Tshiab