1

Vajtswv muab Nws cov txiv hmab txiv ntoo

uas muaj nuj nqis rau cov neeg ua liaj ua teb hauv Kana-as

uas mob siab, thiab kub siab lug txais tos qhov Nws rov qab los.

Vajtswv tsuas xav kom lub ntuj nyob mus ib txhiab ib txhis,

thiab, tshaj qhov ntawd, kom tib neeg tsis txhob txawj laus,

kom lub ntuj thiab tib neeg tau so mus ib txhiab ib txhis,

thiab kom cov “ntoo thuv loj thiab thuv me” uas ntsuab xiab thawm niaj thawm xyoo ntawd

nrog Nws nyob mus ib txhis,

thiab nrog lub ntuj nyob mus ib txhis

kom tau nkag mus rau tiam uas zoo nkauj tshaj plaws ua ke.

2

Vajtswv muab tib neeg ntiaj teb txoj hau kev kawg cob rau lawv,

Nws muab tag nrho Nws tej kev muaj txiag nplua nuj tso tseg rau tib neeg,

muab Nws txoj sia tseb rau tib neeg,

muab cov noob ntawm Nws txoj sia cog rau hauv daim teb uas yog tib neeg lub siab,

muab tej uas nco tau mus ib txhiab ib txhis tso tseg rau lawv,

muab tag nrho Nws txoj kev hlub tso tseg rau tib neeg ntiaj teb,

thiab muab tag nrho tej uas tib neeg saib muaj nuj nqis hauv Vajtswv rau tib neeg.

3

Vajtswv twb muab tag nrho tej uas yog Nws li pub rau tib neeg ntiaj teb lawm.

Nws twb muab tag nrho Nws txoj sia tso tseg rau tib neeg lawm,

thiab tsis hais ib lo lus li, Nws tau ua hauj lwm hnyav

los laij daim av uas yog txoj kev hlub uas zoo nkauj heev rau tib neeg ntiaj teb lawm;

Nws yeej tsis tau taij ib yam dab tsi kom sib npaug zos li ntawd los ntawm tib neeg li,

thiab yeej tsis tau ua dab tsi li tab sis tsuas zwm kiag rau tej kev npaj ntawm tib neeg

thiab tsim ib qho tag kis uas zoo nkauj tshaj rau tib neeg ntiaj teb xwb,

tsim ib qho tag kis uas zoo nkauj tshaj rau tib neeg ntiaj teb xwb.

los ntawm Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tes Hauj Lwm thiab Kev To Taub (10)