1

Vajtswv tau rhais ua cev nqaij daim tawv lawm thiab tau hais Nws cov lus tawm;

Nws tshwm sim los ua tes hauj lwm,

ua kev txiav txim ntawm tiam kawg thiab coj Tiam Lub Nceeg Vaj los.

Cov neeg Vajtswv xaiv raug tsa sawv rau ntawm Vajtswv xub ntiag

thiab peb sawv daws nyo hau ti nkaus npoo av pe hawm Vajtswv.

Vajtswv Tus Uas Muaj Hwj Chim Loj Kawg Nkaus

nyob rau saum lub zwm ntxwv uas muaj yeeb koob ci ntsa iab—

cas Nws yuav muaj yeeb koob thiab zoo nkauj ua luaj li lau!

Vajtswv cov lus muab cov dej yug siav pub rau peb.

Peb noj thiab haus Vajtswv tej lus, tim-ntsej-tim-muag nrog Nws,

thiab thaum kawg peb tau koom rooj mov loj.

Vajtswv muab peb tso kom nrug ntawm lub ntiaj teb qias vuab tsuab thiab ua kom peb dawb huv.

Tom qab ntawd peb tshem peb tus kheej tawm ntawm tej khoom ntiaj teb

thiab nkag mus rau txoj kev xyaum ntawm lub nceeg vaj.

2

Kev txiav txim twb tau pib nyob rau hauv Vajtswv lub tsev lawm,

ua rau kom pom Vajtswv txoj kev dawb huv thiab txoj kev ncaj ncees.

Txoj kev txiav txim thiab kev rau txim ntawm Nws cov lus hloov peb ua tus tib neeg tshiab.

Vajtswv Tus Uas Muaj Hwj Chim Loj Kawg Nkaus

Koj tus kheej kiag ntag uas ua tes hauj lwm los cawm peb,

peb thiaj tuaj yeem muaj kev hloov pauv ntawm peb tus moj yam, rhais ua tus tib neeg tshiab

thiab tuaj yeem ua hauj lwm rau Vajtswv nyob rau ntawm Nws lub zwm ntxwv hauv ntej.

Vajtswv mas ntse heev thiab muaj hwj chim loj kawg nkaus rau hauv Nws tes hauj lwm,

Nws siv tus zaj loj liab ploog los ua dej num.

Thaum lub sij hawm uas muaj kev nyuaj,

Vajtswv coj peb kom sawv ruaj nreeg hauv peb tej kev ua tim khawv

thiab kom muaj yeej ntawm Ntxwgnyoog.

Vajtswv tej lus qhia kom peb pom Nws lub hwj chim uas loj kawg nkaus,

thiab tej lus ntawd txeeb tau thiab tsim tau ib pab neeg uas muaj yeej.

Vajtswv tau kom yeej Ntxwgnyoog thiab tau txais lub yeeb koob tag nrho huv si lawm.

Tus Uas Muaj Hwj Chim Loj Kawg Nkaus, tus uas yog thiab yav dhau los yeej yog,

tus Vajntxwv uas tau kav nyob rau lub ntiaj teb.

Vajtswv cov lus mas yog qhov kev kaj tiag uas ci ntsa paug rau lub ntiaj teb uas tsaus nti ntawd.

Tag nrho txhua haiv neeg thiab txhua tus tib neeg los rau qhov kev kaj

thiab los zwm rau ntawm Vajtswv lub xub ntiag.

Vajtswv nyob rau saum Nws lub zwm ntxwv uas muaj yeeb koob,

xyiv fab hlo rau Nws txoj kev so.

los ntawm Raws Tus Me Nyuam Yaj Qab thiab Hu Cov Nkauj Tshiab