1

Nyeem Vajtswv cov lus mas ua rau kuv lub siab kaj lug;

qhuas Vajtswv mas ua rau peb muaj kev xyiv fab.

Noj thiab haus Vajtswv cov lus txhua hnub mas,

Vajntsujplig Dawb Huv qhia peb thiab ua kom peb paub qhov tseeb.

Peb tau txais txoj kev ywg dej thiab kev pab ntawm Vajtswv cov lus;

thaum to taub qhov tseeb lawm ua rau kuv lub siab dim plaws.

Qhov xyaum ua qhov tseeb ntawd mas ua rau muaj ib txoj hauv kev mus rau tom ntej;

yog ua cas kuv thiaj li tsis ua Vajtswv Tus Uas Muaj Hwj Chim Loj Kawg Nkaus tsaug?

Cia li maj nroos los hu nkauj os, cov kwv tij thiab cov nkauj muam.

Kev qhuas Vajtswv mas ua rau peb muaj kev ywj pheej.

Peb raug qhuab qhia kom thiaj li yuav yaug tau peb dawb huv,

peb yuav tau txais qee yam yog peb thim xav txog peb tus kheej.

Nws cov lus nyaum chob peb lub siab,

tiam sis qhov ua li ntawd yog kom peb thiaj li paub peb tus kheej.

Yog koj yeej tuaj yeem nrhiav qhov tseeb tiag tiag,

koj yuav pom Vajtswv txoj kev hlub xwb.

2

Thaum to taub qhov tseeb mas muaj kev xyiv fab tiag tiag li.

Kev qhuas Vajtswv mas ua rau peb muaj kev xyiv fab.

Raws Vajtswv qab thiab ua dej num— qhov ntawd yog Nws txoj hmoov hlub uas tshwj xeeb.

Txoj kev raug kev txom nyem thiab kev lim kom dawb huv ntawd yog Vajtswv tej koob hmoov;

tsis txhob to taub yuam kev los sis yws.

Yog koj ua raws li Vajtswv tej kev npaj, koj yuav pom Vajtswv tej dej num xwb.

Cia li ua Vajtswv tsaug thiab qhuas Vajtswv, nyob rau ntawm Nws lub xub ntiag txhua hnub.

Vim txoj kev tsim txom, tej kev txom nyem, thiab tej kev sim siab,

es peb lub neej thiaj li maj mam loj hlob.

Peb muaj hmoov uas tau ua tim khawv rau Vajtswv hnub no;

qhov ntawd puav leej yog Nws txoj kev txhawb nqa thiab txoj koob hmoov xwb.

Vajtswv Tus Uas Muaj Hwj Chim Loj Kawg Nkaus yog tus cawm peb.

Peb hu nkauj thiab seev cev qhuas Nws!

los ntawm Raws Tus Me Nyuam Yaj Qab thiab Hu Cov Nkauj Tshiab