1

Txoj koob hmoov uas loj tshaj plaws ntawm txoj kev ntseeg

ces yog tau txais tos tus Tswv xwb.

Tau txais kev pab thiab kev ywg dej

ntawm Vajtswv Tus Uas Muaj Hwj Chim Loj Kawg Nkaus cov lus mas,

peb loj hlob nyob rau hauv lub neej ntawm pawg ntseeg yam zoo siab heev.

Qhov noj thiab haus Vajtswv cov lus ntawd, ua rau peb to taub qhov tseeb

thiab ua neej zoo nkaus li ib tug tib neeg.

Vajtswv cov lus qhia txoj kev uas peb lub neej tsim nyog taug rau peb.

Kuv xyiv fab rau Vajtswv txoj kev hlub heev.

Kuv yuav saib lub sij hawm uas zoo kawg nkaus no kom muaj nqis

thiab nrhiav kom tau txais qhov tseeb,

ua kuv tes dej num kom tiav kom Vajtswv pom zoo.

2

Txoj koob hmoov uas loj tshaj plaws ntawm txoj kev ntseeg

ces yog to taub ntau qhov tseeb xwb.

Peb pom Vajtswv txoj kev ncaj ncees

los ntawm qhov raug txoj kev txiav txim ntawm Nws cov lus.

Peb raug Vajtswv rau txim thiab qhuab qhia thaum peb ntxeev siab.

Thaum hloov tau tus moj yam lawm, peb tau ntsib tau pom Vajtswv txoj kev hlub uas loj.

Ntxuav tau peb txoj kev qias vuab tsuab dawb huv, thiab peb muaj lub siab hwm Vajtswv lawm.

Kuv xyiv fab rau Vajtswv txoj kev hlub heev.

Kuv txiav txim siab los xyaum ua qhov tseeb,

ua neej kom zoo nkaus li ib tug tib neeg coj ncaj,

thiab muaj peev xwm zwm rau Vajtswv thiab ua tim khawv rau Vajtswv.

3

Txoj koob hmoov uas loj tshaj plaws ntawm txoj kev ntseeg

ces yog tshaj tawm txoj moo zoo thiab ua tim khawv rau Vajtswv xwb.

Vim qhov raug txoj kev tsim txom thiab kev txom nyem,

peb thiaj li pom qhov Ntxwgnyoog dab tuag,

peb ntxeev siab rau tus zaj loj liab ploog tiag tiag, thiab ua tim khawv rau Vajtswv.

Peb yuav ua lub siab ncaj ncees kom mus txog hnub tuag,

thiab ua tim khawv rau Vajtswv txoj kev dawb huv thiab kev ncaj ncees.

Kuv zoo siab heev uas tau ua tim khawv rau Vajtswv.

Kuv xyiv fab rau Vajtswv txoj kev hlub heev,

yog li ntawd kuv yuav tsum ua lub siab ncaj ncees

thiab tshaj tawm Vajtswv lub nceeg vaj txoj moo zoo mus kom deb thiab kom dav,

ua kuv tes dej num kom tiav los pauj Vajtswv txoj kev hlub.

los ntawm Raws Tus Me Nyuam Yaj Qab thiab Hu Cov Nkauj Tshiab