1

Vajtswv Tus Uas Muaj Hwj Chim Loj Kawg Nkaus mas muaj koob meej heev li!

Nws rais los ua cev nqaij daim tawv thiab tau tshwm los rau Sab Hnub Tuaj.

Nws nthuav qhov tseeb tawm thiab txiav txim rau tib neeg ntiaj teb,

thiab Nws coj txoj kev mus tau txoj sia uas ntev dhawv mus ib txhis los.

Vajtswv txoj lus tawg txuas tuaj cuag xob laim,

ci ntsais plias mus rau Sab Hnub Poob, mus rau Sab Hnub Poob.

Tib neeg pom txoj kev cia siab nyob hauv txoj kev tsaus ntuj,

vim Neeg Leej Tub tau los rau hauv ntiaj teb lawm.

2

Vajtswv Tus Uas Muaj Hwj Chim Loj Kawg Nkaus mas muaj koob meej heev li!

Nws muaj kev ncaj ncees, muaj tsim thiab muaj kev txiav txim puv npo.

Vajtswv txoj lus mas muaj cai thiab muaj hwj chim,

txoj lus ntawd ntxuav Nws cov tib neeg kom dawb huv thiab cawm Nws cov tib neeg.

Vajtswv kov yeej Ntxwgnyoog los ntawm Nws txoj lus

thiab tau tsim ib pab tib neeg mus ua cov kov yeej.

Peb txhos caug pe hawm Vajtswv thiab qhuas qhov Vajtswv rov qab los rau Xi-oo,

cia li qhuas qhov Vajtswv rov qab los rau Xi-oo.

3

Vajtswv Tus Uas Muaj Hwj Chim Loj Kawg Nkaus mas muaj koob meej heev li!

Nws txoj lus kav lub ntiaj teb.

Tej kev puas ntsoog loj rhuav tshem cov tib neeg ntiaj teb uas phem

thiab Vajtswv txoj lus ua txhua yam tiav.

Vajtswv Tus Uas Muaj Hwj Chim Loj Kawg Nkaus tau txais Nws lub nceeg vaj

thiab tau los rau lub ntiaj teb lawm

thiab Nws tes hauj lwm loj twb tiav tag huv si lawm.

Tag nrho lub ntiaj teb xyiv fab, txhua tus tib neeg qhuas Nws;

lub suab qhuas mas nrov thoob plaws lub qab ntuj khwb.

Cia li qhuas Vajtswv vim tau txais txhua lub koob meej lawm,

lub suab qhuas mas nrov mus ib txhis!

los ntawm Raws Tus Me Nyuam Yaj Qab thiab Hu Cov Nkauj Tshiab