1

Thaum chiv keeb Vajtswv tsim lub ntuj thiab lub ntiaj teb thiab txhua yam,

thiab tom qab ntawd Nws tsim tib neeg ntiaj teb.

Vajtswv ua hauj lwm los tsim kho thiab cawm tib neeg ntiaj teb

thiab coj lawv los txog rau niaj hnub no.

Qhov xob laim Sab Hnub Tuaj tuaj ntawd tau ci mus rau Sab Hnub Poob;

tus Neeg Leej Tub uas nyob rau tiam kawg twb tshwm los lawm.

Vajtswv Tus Uas Muaj Hwj Chim Loj Kawg Nkaus nthuav txhua qhov tseeb tawm,

uas yog Txoj Lus tshwm hauv lub cev nqaij daim tawv.

Qhov no yog Vajtswv txoj kev cawm dim nyob rau tiam kawg;

cia li maj nroos los taug Vajtswv cov hneev taw.

Peb noj thiab haus Vajtswv cov lus txhua hnub,

yog li ntawd peb thiaj li to taub qhov tseeb.

Vajtswv cov lus kov yeej txhua tus tib neeg lawm,

txhua tus tib neeg tshaj tawm Nws lub npe dawb huv nyob rau hauv lub ntiaj teb.

Khetos lub nceeg vaj uas ncaj ncees twb tshwm los rau hauv lub ntiaj teb lawm.

2

Twb rub daim ntaub rov qab mus rau txoj kev txiav txim ntawm tiam kawg lawm;

txoj kev txiav txim ntawd twb pib nyob rau ntawm Vajtswv lub tsev lawm.

Vajtswv tus moj yam ncaj ncees twb nthuav tawm tag nrho lawm,

thiab tsis muaj leej twg khiav dim Nws txoj kev txiav txim li.

Vajtswv cov yaj yeej mloog Nws lub suab;

cov uas tawm tsam Vajtswv raug muab nthuav tawm thiab muab rhuav tshem lawm.

Vajtswv txoj kev txiav txim yaug tib neeg kom dawb huv thiab cawm tib neeg kom dim,

uas yog Nws txoj kev hlub lawv tseeb.

Vajtswv twb kov yeej Ntxwgnyoog tiag tiag thiab tsim tau ib pab kov yeej lawm.

Cov uas hlub Vajtswv, Nws yuav muab ua kom zoo tiav log,

lawv yuav taug kev nyob rau hauv Nws txoj kev kaj.

Vajtswv cov neeg hais lus tim khawv rau Nws,

thiab raws Khetos qab yam tsis ua ywj fab ywj fwj li.

Khetos lub nceeg vaj uas ncaj ncees twb tshwm los rau hauv lub ntiaj teb lawm.

3

Qhov tua phom loj hwm lub nceeg vaj ntawd nrov tuaj,

thiab lub nceeg vaj txoj moo zoo thiaj li nthuav mus thoob plaws lub ntiaj teb lawm.

Lub zog ntawm Vajtswv tes hauj lwm mas loj thiab muaj hwj chim heev,

tsis muaj ib tug tib neeg los sis ib yam twg tuaj yeem tswj tau tes hauj lwm ntawd li.

Khetos lub nceeg vaj muaj tiav vim yog Vajtswv cov lus xwb;

kev coj ncaj thiab kev ncaj ncees nthuav tawm tag nrho lawm.

Txhua haiv neeg hloov pauv vim Vajtswv cov lus xwb,

thiab lub Nceeg Vaj Ib Txhiab Xyoo nqis los rau hauv tib neeg lub ntiaj teb lawm.

Lub ntiaj teb yuav ua raws li Vajtswv lub siab nyiam;

tus zaj loj liab ploog tau swb tag nrho lawm.

Vajtswv Tus Uas Muaj Hwj Chim Loj Kawg Nkaus siv hwj chim thiab ua Vajntxwv kav,

txhua haiv neeg thiab txhua tus tib neeg los pe hawm Nws.

Vajtswv txoj kev npaj cawm tib neeg tiav lawm—Nws tau koob meej tag nrho lawm.

Khetos lub nceeg vaj uas ncaj ncees twb tshwm los rau hauv lub ntiaj teb lawm.

los ntawm Raws Tus Me Nyuam Yaj Qab thiab Hu Cov Nkauj Tshiab