1

Vajtswv Tus Uas Muaj Hwj Chim Loj Kawg Nkaus nthuav qhov tseeb tawm

thiab coj txoj kev uas mus tau txoj sia ib txhis los rau tib neeg.

Peb noj thiab haus Vajtswv txoj lus txhua hnub,

thiab koom roj mov ntawm lub nceeg vaj saum ntuj ceeb tsheej.

Peb to taub qhov tseeb ces peb lub siab kaj lawm,

thiab peb pom tseeb tseeb txog txoj kev tsaus ntuj thiab txoj kev phem ntawm lub ntiaj teb no lawm.

Txij no mus peb yuav tsis nrhiav ntxiv lawm,

rau qhov Vajtswv twb qhia txog txoj kev tseeb ntawm lub neej meej meej lawm.

Vim Vajtswv txoj kev txiav txim, peb thiaj li muab peb txoj kev qias vuab tsuab tso tseg

thiab tau txais Vajtswv txoj kev yaug kom dawb huv thiab txoj kev cawm dim lawm.

Qhov xyaum ua raws li qhov tseeb ntawd, ua rau peb dim thiab muaj kev ywj pheej lawm,

thiab peb ua neej zoo li cov tib neeg tshiab.

Peb paub tseeb hais tias Khetos yog qhov tseeb,

thiab peb lub siab tau txais ib lub hauv paus uas ua rau peb hlub Vajtswv lawm.

Peb tau koob hmoov tiag tiag li uas tau txais Vajtswv txoj kev cawm dim,

vim li no peb thiaj li ua Vajtswv tsaug thiab qhuas Vajtswv.

2

Vim txoj kev tsim txom, tej kev txom nyem, thiab tej kev sim siab,

Vajtswv txoj lus thiaj li nyob rawv ntawm peb ib sab, coj peb kev.

Ntxwgnyoog sim peb thiab sim ntxias peb zaum tas zaum thiab,

tiam sis Vajtswv txoj lus qhia peb kom peb thiaj li pom tej kev dag ntxias no.

Kuv pom tseeb tseeb hais tias Ntxwgnyoog mas phem thiab ntxim ntxub npaum li cas,

thiab kuv yeej yuav tsis txhos caug los sis yeem swb rau nws li.

Kuv yuav ua lub siab ncaj ncees kom mus txog hnub tuag

thiab raws Vajtswv qab kom mus txog thaum kawg,

thiab tuav kuv tej lus tim khawv kom khov kho los nplij Vajtswv lub siab.

Vim tej kev sim siab kuv txoj kev ntseeg thiaj li muaj zog tuaj ntxiv lawm,

thiab kuv paub hais tias Vajtswv txoj kev hlub thiab qhov zoo ntxim hlub mas muaj zog heev.

Kuv muab tag nrho kuv tus kheej fij rau Vajtswv,

thiab ua raws li Vajtswv tej kev coj kev qhia thiab tej kev npaj.

Qhov ua tim khawv rau Khetos ntawd, peb tsis ntshai teeb meem li;

vim qhov kaj ntawm txoj kev ncaj ncees tau ci tuaj lawm.

Peb yuav tsum ua kom zoo tshaj plaws los ua peb tes hauj lwm kom tiav

thiab hais cov lus tim khawv uas muaj yeej los qhuas Vajtswv.

los ntawm Raws Tus Me Nyuam Yaj Qab thiab Hu Cov Nkauj Tshiab