1

Xob laim tau laim Sab Hnub Tuaj tuaj,

Vajtswv cov lus ua rau cov tib neeg coob coob uas tsaug zog lawm ntawd tsim dheev los.

Neeg Leej Tub nthuav qhov tseeb tawm,

coj txoj kev kaj los rau cov tib neeg ntiaj teb uas qias vuab tsuab.

Raug txoj kev tsaus ntuj muab npog lawm los,

txhua tus tib neeg tseem hnov Vajtswv lub suab thiab tig rov qab los rau ntawm Nws lub xub ntiag.

Lawv zoo siab heev rau Vajtswv cov lus kom txaus lawv lub siab

thiab koom rooj mov loj.

Peb to taub qhov tseeb hauv Vajtswv cov lus;

peb ua peb tej dej num thiab nyob rau ntawm Vajtswv lub xub ntiag.

Qhov raug Vajtswv txoj kev txiav txim thiab kev rau txim ntawd,

yaug tau peb tus moj yam qias vuab tsuab lawm.

Thaum pom Vajtswv txoj kev dawb huv thiab kev ncaj ncees lawm,

peb thiaj li hlub Vajtswv hauv peb lub siab thiab ua tim khawv rau Nws.

Vajtswv cov tib neeg yog Vajtswv ua rau zoo tiav log thiab Vajtswv muab tau xwb,

cia li ua Nws tsaug thiab qhuas Nws.

2

Vajtswv cov lus muab txhua tus tib neeg nthuav tawm, thiab Vajtswv cov yaj hnov Nws lub suab.

Cov neeg Vajtswv xaiv ntawm txhua haiv neeg thiab txhua pab ntseeg

maj mam tig rov qab los rau ntawm Vajtswv lub xub ntiag.

Vim cov dej cawm siav uas yug peb ntawd,

peb thiaj li pom Vajtswv tim ntsej tim muag nyob rau hauv Nws cov lus.

Thaum pom Vajtswv txoj kev hlub thiab tej koob hmoov lawm,

peb txhua tus raws Vajtswv Tus Uas Muaj Hwj Chim Loj Kawg Nkaus qab

thiab ua tim khawv rau Nws.

Lub nceeg vaj txoj moo zoo nthuav mus thoob plaws lub ntiaj teb,

ua rau Ntxwgnyoog poob ntsej muag thiab kov yeej Ntxwgnyoog lawm.

Vajtswv cov neeg pe hawm tib tug Vajtswv tseeb xwb,

Vajtswv Tus Uas Muaj Hwj Chim Loj Kawg Nkaus tau koob meej heev.

Vajtswv txoj kev ncaj ncees thiab kev npau taws twb tawm tuaj lawm,

yog li ntawd tus zaj loj liab ploog thiaj li raug Vajtswv rau txim thiab rhuav tshem.

Tes hauj lwm loj ntawm txoj kev npaj cawm tib neeg rau txhiab xyoo ntawd tiav lawm,

cov tib neeg ntiaj teb uas raug tsim

tawm los ntawd thiaj li qhuas Vajtswv mus ib txhiab ib txhis li.

los ntawm Raws Tus Me Nyuam Yaj Qab thiab Hu Cov Nkauj Tshiab