1

Thaum Yexus los rau hauv tib neeg lub ntiaj teb no, Nws coj Tiam Hmoov Hlub los thiab muab Tiam Muaj Kev Cai xaus tseg. Nyob rau tiam kawg, Vajtswv rov los ua cev nqaij daim tawv ib zaug ntxiv, thiab Nws muab Tiam Hmoov Hlub xaus tseg thiab coj Tiam Lub Nceeg Vaj los. Tag nrho cov uas muaj cuab kav lees txais kev yug los ua neeg zaum ob ntawm Vajtswv yuav raug coj mus rau Tiam Lub Nceeg Vaj, thiab tshaj qhov ntawd ces yuav muaj peev xwm lees txais kiag Vajtswv txoj kev coj. Txawm hais tias Yexus tau los nyob hauv tib neeg nruab nrab thiab ua hauj lwm ntau heev, tiam sis Nws tsuas ua tiav tes hauj lwm txhiv dim rau tag nrho noob neej thiab ua qhov kev theej txhoj rau tib neeg tej kev txhaum xwb; Nws tsis tau muab tag nrho tib neeg tus moj yam qias vuab tsuab tshem pov tseg.

2

Yuav cawm tib neeg kom dim tag nrho ntawm Ntxwgnyoog lub zog mas tsis yog Yexus yuav tsum rais mus ua ib qho kev theej txhoj thiab ris tib neeg tej kev txhaum nkaus xwb, tab sis Vajtswv yuav tsum tau ua tes hauj lwm loj dua los tshem tib neeg tus moj yam uas raug Ntxwgnyoog ua kom qias vuab tsuab ntawd kom tag mus. Thiab yog li ntawd, tom qab tib neeg tau txais kev zam txim ntawm tej kev txhaum lawm, Vajtswv tau rov los ua cev nqaij daim tawv los coj tib neeg mus rau tiam tshiab, thiab tau pib tes hauj lwm ntawm kev rau txim thiab kev txiav txim. Tes hauj lwm no tau coj tib neeg mus rau ib qib siab dua lawm. Tag nrho cov uas zwm rau Nws txoj kev tswj fwm yuav tau txais qhov tseeb uas siab dua thiab tau txais koob hmoov ntau dua. Lawv yuav tau nyob rau hauv qhov kaj tiag tiag, thiab lawv yuav tau qhov tseeb, txoj kev, thiab txoj sia.

los ntawm Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Zaj Lus Ua Ntej