1

Lub raj xyu uas hais txog qhov tseeb twb nrov lawm.

Vajtswv Tus Uas Muaj Hwj Chim Loj Kawg Nkaus nthuav tawm qhov tseeb

los hu kom tib neeg sawv.

Thaum hnov Vajtswv lub suab, kuv rov qab los rau ntawm Nws lub xub ntiag lawm.

Kuv noj, haus, thiab xyiv fab rau Vajtswv txoj lus thiab koom rooj mov.

Vim noj thiab haus Vajtswv txoj lus txhua hnub,

es kuv thiaj li to taub qhov tseeb thiab muaj kev thoob tsib to nrog.

Lub ntiaj teb tsaus ntuj nti thiab puv npo txoj kev phem—

tsuas yog caum qhov tseeb xwb mas thiaj li muaj kev kaj.

Kuv tso txhua yam tseg los raws Vajtswv qab, ua kuv tes dej num.

Qhov lees txais qhov tseeb thiab qhov paub kuv tus kheej ntawd

ua rau kuv muaj kev hloov tiag tiag lawm.

Kuv loj hlob thaum raug Vajtswv cov lus txiav txim thiab qhuab qhia.

To taub qhov tseeb es kuv lub neej thiaj li maj mam loj hlob lawm.

Thaum pom Vajtswv txoj kev ncaj ncees thiab kev dawb huv,

mas kuv pom hais tias Nws ntxim hlub tiag tiag li.

Kuv yuav tsum hlub Vajtswv thiab ua tim khawv rau Nws mus kom tag ib txhiab ib txhis.

2

Vim raug Vajtswv txoj kev txiav txim es kuv thiaj li raug yaug dawb huv thiab

tau saj Vajtswv txoj kev hlub lawm.

Vajtswv tej lus hnyav uas nkaug kuv lub siab ntawd tag nrho yog los cawm kuv xwb.

Tsuas yog dhau kev ntsib kev pom lawm xwb

kuv thiaj li to taub Vajtswv tej kev npaj siab uas Nws siv siab npaj.

Qhov tau txais Vajtswv txoj kev txiav txim ntawd yog Nws txoj koob hmoov.

Vim raug ntau txoj kev tsim txom thiab ntau txoj kev ceeb laj txom nyem heev,

es peb thiaj li pom tus zaj loj liab ploog ntawd lub ntsej muag tseeb.

Thaum paub tias Vajtswv muaj hwj chim kav txhua yam lawm,

ces peb thiaj li muaj kev ntseeg thiab muaj zog.

Peb pom tshab plaws Ntxwgnyoog tej kev dag,

ces peb tsis ceeb los sis tsis ntshai ntxiv lawm.

Peb zoo siab cia Vajtswv coj qhia peb li Nws nyiam

thiab tuav peb tej lus tim khawv khov kho rau Nws.

Kuv tau xyiv fab heev rau

Vajtswv Tus Uas Muaj Hwj Chim Loj Kawg Nkaus txoj kev hlub lawm,

thiab yog tias kuv tsis pauj Nws txoj kev hlub,

ces kuv tsis tsim nyog hu ua ib tug tib neeg lawm.

Kuv txiav txim siab ua lub siab ncaj ncees los nthuav txoj moo zoo thiab ua tim khawv rau Vajtswv.

Kuv yuav tsum hlub Vajtswv thiab ua tim khawv rau Nws mus kom tag ib txhiab ib txhis.

los ntawm Raws Tus Me Nyuam Yaj Qab thiab Hu Cov Nkauj Tshiab