1

Xi-oo! Cia li zoo siab xyiv fab! Xi-oo! Cia li hu nkauj!

Kuv tau muaj yeej rov qab los lawm, Kuv muaj yeej rov qab los lawm lau!

Txhua tus tib neeg! Cia li maj nroos los sawv ua ib kab sab kom zoo!

Txhua yam uas tsim tawm los! Tam sim no cia li nres,

rau qhov Kuv tus neeg ntsib tag nrho lub qab ntuj khwb

thiab tshwm los nyob rau Sab Hnub Tuaj ntawm lub ntiaj teb!

Leej twg thiaj kav tsis txhos caug hauv kev pe hawm?

Leej twg thiaj kav tsis hu Kuv ua tus tseem Vajtswv?

Leej twg thiaj kav tsis tsa muag saib hauv kev hwm?

Leej twg thiaj kav tsis muab kev qhuas? Leej twg thiaj kav tsis zoo siab xyiv fab?

Kuv cov tib neeg yuav hnov Kuv lub suab.

2

Tej toj roob, tej dej ntws, thiab txhua yam yuav zoo siab tsis paub xaus li,

thiab yuav dhia paj paws tsis paub tseg.

Nyob rau lub sij hawm no, tsis muaj leej twg kav thim rov qab lawm,

thiab tsis muaj leej twg kav sawv los tawm tsam.

Qhov no yog Kuv txoj kev ua zoo kawg nkaus,

thiab haj tseem ntau tshaj ntawd thiab, ntawd yog Kuv lub hwj chim loj!

Kuv yuav ua kom txhua yam muaj ib lub siab hwm Kuv

thiab, tshaj qhov no, Kuv yuav ua kom txhua yam qhuas Kuv!

Qhov no yog lub hom phiaj kawg nkaus ntawm

Kuv txoj kev npaj cawm tib neeg ntawm rau txhiab xyoo,

thiab nws yog yam uas Kuv tau npaj ua ntej lawm.

Tsis muaj ib tug twg los sis ib yam khoom twg los sis ib qho xwm txheej twg

muaj cuab kav sawv los tawm tsam Kuv los sis tsis pom zoo nrog Kuv li.

3

Tag nrho Kuv cov tib neeg yuav ntws mus rau saum Kuv lub roob

thiab lawv yuav zwm rau ntawm Kuv lub xub ntiag,

vim Kuv muaj hwj chim tshaj thiab muaj kev txiav txim, thiab Kuv muaj hwj chim.

Yeej tsis muaj dab tsi nyuaj rau Kuv kiag li.

Los ntawm cov lus ntawm Kuv lub qhov ncauj, txhua yam yuav raug rhuav tshem,

thiab los ntawm Kuv cov lus, txhua yam yuav muaj nyob thiab muaj puv npo.

Qhov ntawd yog Kuv lub hwj chim loj thiab qhov ntawd yog Kuv txoj kev muaj cai.

Vim yog Kuv muaj hwj chim thiab txoj kev muaj cai puv npo,

tsis muaj leej twg yuav kav tav tau Kuv txoj kev.

Kuv twb yeej txhua yam lawm,

thiab Kuv twb tau kov yeej txhua tus tub uas ntxeev siab lawm.

los ntawm Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Cov Lus nyob rau thaum Pib, Tshooj 120