Cov Nkauj Qhuas ntawm Vajtswv Cov Lus

Muaj ib zaug Vajtswv twb raug hu ua Yehauvas lawm. Vajtswv kuj raug hu ua tus Mexiyas,

thiab tib neeg kuj hu Vajtswv ib zaug ua Yexus uas yog tus Cawm Seej

nrog rau txoj kev hlub thiab kev hwm lawm.

Hnub no, txawm li cas los xij, Vajtswv tsis yog tus Yehauvas los sis Yexus

uas tib neeg paub rau yav tag dhau los lawm;

Vajtswv yog tus Vajtswv uas tau rov los rau tiam kawg,

tus Vajtswv uas yuav coj tiam no mus rau qhov chaw xaus.

Vajtswv yog tus Vajtswv Tus Kheej kiag uas sawv los ntawm qhov kawg ntawm lub ntiaj teb los,

muaj txhij tag nrho Vajtswv tus moj yam, thiab muaj lub hwj chim,

meej mom thiab yeeb koob puv npo.

Ntawm no yog tus Vajtswv uas tshwm sim rau tib neeg pom nyob rau tiam kawg

tab sis nkaum nyob rau hauv cov tib neeg.

Nws nyob nrog tib neeg, tseeb thiab tiag,

zoo li lub hnub uas kub lug thiab tus nplaim taws cig liab vog,

muaj hwj chim txaus nkaus thiab muaj hwj chim puv npo.

Tsis muaj ib tug neeg twg los sis ib yam dab tsi

uas yuav tsis raug Vajtswv tej lus txiav txim rau li,

thiab tsis muaj ib tug neeg twg los sis ib yam dab tsi

uas yuav tsis raug lim kom dawb huv los ntawm qhov kev kub hnyiab ntawm hluav taws li.

Yog tus Cawm Seej los txog nyob rau thaum tiam kawg thiab tseem hu ua Yexus,

thiab twb yug los ib zaug rau hauv Yudias lawm thiab ua Nws tes hauj lwm rau qhov ntawd,

ces qhov no yuav yog pov thawj qhia hais tias Vajtswv tsuas tsim cov neeg ntawm Yixayee nkaus xwb

thiab tsuas txhiv cov neeg ntawm Yixayee xwb,

thiab Vajtswv tsis muaj dab tsi nrog Lwm Haiv Neeg li.

Qhov no tseem tsis sib txawv nrog Vajtswv tej lus hais tias

“Kuv yog tus Tswv uas tsim lub ntuj

thiab lub ntiaj teb thiab tag nrho txhua yam” thiab lod?

Vajtswv ncaim Yudias thiab ua Vajtswv tes hauj lwm nrog rau Lwm Haiv Neeg

vim Vajtswv tsis yog Vajtswv rau cov neeg ntawm Yixayee nkaus xwb,

tab sis yog Vajtswv rau tag nrho txhua yam uas raug tsim tawm los.

Vajtswv tshwm sim nrog rau Lwm Haiv Neeg nyob rau tiam kawg

vim Vajtswv tsis yog Yehauvas nkaus xwb, tus Vajtswv ntawm cov neeg ntawm Yixayee nkaus xwb,

tab sis, tshaj qhov ntawd, vim Vajtswv yog tus Tswv Tsim ntawm tag nrho cov Vajtswv xaiv tseg

nyob rau Lwm Haiv Neeg.

los ntawm Raws Tus Me Nyuam Yaj Qab thiab Hu Cov Nkauj Tshiab