Cov Ntseeg Vajtswv Cov Yeeb Yam Seev Cev | "Vajtswv Quaj Tu Siab Rau Noob Neej Lub Neej Yav Pem Suab"

February 9, 2025

1

Nyob rau txoj kev nthuav dav ntawm lub ntiaj teb,

dej hiav txwv nyam zaws los rau tej liaj teb, tej liaj teb raug kuav mus ua dej hiav txwv,

ib zaug tag ib zaug thiab.

Tshwj kiag Nws uas yog tus kav txhua yam ntawm tag nrho txhua yam,

tsis muaj leej twg muaj cuab kav los coj thiab taw qhia haiv tib neeg no.

Tsis muaj ib tug twg muaj zog los ua hauj lwm los sis npaj rau haiv tib neeg no,

tseem haj yam tsis muaj ib tug twg li

uas coj tau haiv tib neeg no mus rau lub hom phiaj ntawm txoj kev kaj

thiab daws nws dim los ntawm tej kev tsis ncaj ncees hauv ntiaj teb.

Vajtswv lwj siab ntsuav rau tib neeg lub neej yav pem suab,

Nws ntxhov siab rau tib neeg txoj kev poob qis,

thiab mob siab vim tib neeg mus zuj zus, ib kauj ruam zuj zus, mus rau txoj kev lwj liam

thiab txoj kev uas tsis muaj tig rov qab los lawm.

Tsis muaj leej twg tau xav txog

seb txoj xub ke twg uas ib tug tib neeg zoo li no uas tau ua rau Vajtswv tu siab

thiab tso Nws tseg mus nrhiav tus phem lawm yuav taug mus lawm tom ntej.

2

Nws yeej yog vim lub ntsiab no thiaj tsis muaj leej twg to taub Vajtswv txoj kev npau taws,

thiaj tsis muaj leej twg nrhiav ib txoj kev los ua kom zoo Vajtswv siab

los sis txav kom ze zog rau Vajtswv,

thiab qhov tshaj ntawd, vim li cas tsis muaj leej twg nrhiav kev kom paub txog

Vajtswv txoj kev ntxhov siab thiab mob siab li.

Txawm tias tom qab tau hnov Vajtswv lub suab lawm los,

tib neeg yeej taug ntsoov nws txoj kev mus ntxiv xwb,

kub siab lug rau txoj kev ncaim ntawm Vajtswv mus,

tsis txais Vajtswv txoj kev hlub thiab kev saib xyuas,

thiab tsis txais yuav Nws qhov tseeb,

xum muab nws tus kheej muag rau Ntxwgnyoog uas yog Vajtswv tus yeeb ncuab.

Thiab leej twg tau muab ua tib zoo xav lawm—

tib neeg yuav tsum kub siab rau nws qhov tsis kam ua li hais—

rau qhov Vajtswv yuav ua li cas rau cov noob neej no

uas tau tso Nws tseg yam tsis tig saib qab ib muag li?

3

Tsis muaj leej twg paub tias lub ntsiab rau Vajtswv tej lus ceeb toom

uas hais tag rov hais dua thiab tej lus ntuas ntawd yog dab tsi

vim hais tias Nws twb tau npaj muaj ib qho kev puas tsuaj

nyob hauv Nws ob txhais tes uas yeej tsis tau muaj dua li,

ib qho xwm txheej uas tib neeg lub cev nqaij daim tawv thiab tus ntsuj yuav thev tsis taus.

Qhov kev puas tsuaj no tsis yog ib txoj kev rau txim rau cev nqaij daim tawv xwb,

tab sis kuj yog rau tus ntsuj thiab.

Koj yuav tsum paub qhov no: Thaum Vajtswv lub hom phiaj tsis muaj tshwm sim,

thiab thaum Nws tej lus ceeb toom thiab tej kev qhuab ntuas tsis raug them rov qab li,

Nws yuav tso hom kev npau taws twg los?

Nws yuav tsis zoo li ib yam dab tsi

uas tau ntsib tau pom thiab tau paub los ntawm ib tug neeg uas raug tsim tawm los twg li.

Ces yog li no Vajtswv thiaj hais tias, qhov kev puas tsuaj no tsis tau muaj dua los,

thiab yuav tsis rov muaj dua ntxiv lawm.

Rau qhov tias Vajtswv lub hom phiaj yog tsim tib neeg tib zaug no xwb,

thiab los cawm tib neeg tib zaug no xwb.

Nov yog thawj zaug, thiab nws kuj yog zaug kawg lawm.

Yog li no, tsis muaj leej twg nkag siab

tej kev npaj siab uas mob siab thiab txoj kev ntshaw

nrog yam uas Vajtswv cawm tib neeg ntiaj teb zaum no.

los ntawm Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Vajtswv Yog lub Hauv Paus ntawm Tib Neeg Txoj Sia

Saib ntxiv

Tej kev puas tsuaj tab tom tshwm sim ib yam zuj zus tuaj. Tus Tswv twb los rau hauv qhov kev zais npog ua ntej txoj kev txom nyem loj tshaj plaws lawm. Koj puas paub tias yuav tos txais Nws li cas? Txhob me siab hu rau peb los nrhiav qhov kev tos txais no.

Leave a Reply

Tso rau lwm tus saib thiab

Tshem