1

Kuv lub nceeg vaj twb ua tiav tag nrho lawm, thiab nws twb tab meeg los rau hauv ntiaj teb lawm; qhov no qhia hais tias Kuv txoj kev txiav txim twb los txog tag nrho lawm. Txhua yam kev puas tsuaj yuav los raug, ib qho zuj zus; txhua lub teb chaws thiab txhua qhov chaw yuav ntsib kev puas tsuaj: Kab mob sib kis, kev tshaib kev nqhis, dej nyab, ntuj qhuav teb nkig, thiab av qeeg muaj nyob txhua qhov chaw. Tej kev puas tsuaj no tsis yog tshwm sim rau ib los sis ob qhov chaw xwb, thiab yuav tsis tag nyob hauv ib los sis ob hnub xwb; tiam sis, tej kev puas tsuaj no yuav nthuav dav zuj zus mus rau ntau cheeb tsam, thiab phem zuj zus. Nyob rau lub sij hawm no, txhua yam kev puas tsuaj los ntawm kab tsuag yuav tshwm sim ib qho zuj zus tuaj, thiab xwm txheej tib neeg noj tib neeg yuav tshwm sim txhua qhov chaw. Qhov no yog Kuv txoj kev txiav txim rau ntau ntau lub teb chaws thiab ntau ntau tus neeg.

2

Kuv lub npe yuav tsum nthuav mus rau txhua sab thiab rau txhua qhov chaw, kom txhua tus thiaj li paub Kuv lub npe dawb huv thiab paub Kuv. Yuav tshaj tawm Kuv lub npe mus dav thaum tej kev puas tsuaj ntawd nqis los, thiab yog nej tsis ceev faj thiab xyuam xim, nej yuav plam nej feem uas nej tsim nyog tau. Nej tsis ntshai lod? Kuv lub npe nthuav mus rau txhua txoj kev ntseeg, txhua hom tib neeg, txhua haiv neeg, thiab txhua pab ntseeg. Qhov no yog kev ua Kuv tes hauj lwm raws qib raws duas uas sib txuas ntom nti; txhua yam tshwm sim los ntawm Kuv txoj kev npaj uas ntse. Kuv tsuas xav kom nej muaj peev xwm raws Kuv tej hneev taw kom ti ti mus lawm tom ntej ntawm txhua kauj ruam xwb.

los ntawm Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Cov Lus Hais nyob rau thaum Pib, Tshooj 65