1

Lub hom phiaj ntawm Kuv txoj kev txiav txim yog ua kom tib neeg zwm tau rau Kuv zoo dua, thiab lub hom phiaj ntawm Kuv txoj kev rau txim yog ua kom tib neeg hloov tau zoo dua. Txawm hais tias txhua yam uas Kuv ua yog ua txhawm rau Kuv txoj kev tswj hwm, Kuv yeej tsis tau ua ib teg hauj lwm twg uas tsis muaj txiaj ntsim rau tib neeg li, rau qhov Kuv xav ua kom tag nrho cov teb chaws uas nyob dhau ntawm Yixayee mus lawm los zwm rau Kuv ib yam li cov Yixayee, ua kom lawv dhau los ua tib neeg tiag tiag, kom Kuv thiaj li muaj ib qho chaw tiag taw rau hauv cov teb chaws uas nyob sab nraum Yixayee. Qhov no yog Kuv txoj kev tswj hwm; nws yog Kuv tes hauj lwm rau hauv cov teb chaws ntawm lwm haiv neeg. Txawm yog tam sim no los, ntau tus neeg tseem tsis to taub Kuv txoj kev tswj hwm thiab, vim lawv tsis quav ntsej txog tej yam zoo li no, tiam sis lawv tsuas quav ntsej txog lawv lub neej yav tom ntej thiab lawv qhov chaw kawg xwb. Txawm Kuv hais li cas los xij, tib neeg yeej tseem tsis quav ntsej txog tes hauj lwm uas Kuv ua li thiab, tiam sis tsuas tsom ntsoov rau lawv qhov chaw kawg yav tom ntej yam tag siab nrho xwb. Yog txhua yam mus zoo li no, Kuv tes hauj lwm yuav nthuav mus kom dav tau li cas? Yuav tshaj tawm Kuv txoj moo zoo mus kom thoob plaws ntiaj teb tau li cas?

2

Nej yuav tsum paub tias thaum Kuv tes hauj lwm nthuav mus dav, Kuv yuav ua kom nej tawg ua sab ua sua mus, thiab ntaus nej ib yam li Yehauvas tau ntaus txhua xeem Yixayee lawm. Tag nrho tej no yuav ua kom tiav kom Kuv txoj moo zoo thiaj li nthuav mus dav mus thoob plaws lub ntiaj teb, kom Kuv tes hauj lwm thiaj li nthuav mus dav mus rau cov teb chaws ntawm lwm haiv neeg, vim qhov ntawd es kom thiaj li hwm Kuv lub npe ua lub loj nyob rau hauv cov laus thiab cov me nyuam yaus ib yam nkaus, thiab kom Kuv lub npe dawb huv raug qhuas rau hauv cov tib neeg uas los ntawm txhua haiv neeg thiab txhua lub teb chaws lub qhov ncauj. Nyob rau tiam kawg no, cia kom Kuv lub npe raug hwm ua lub loj rau hauv cov teb chaws ntawm lwm haiv neeg, cia kom cov tib neeg hauv cov teb chaws ntawm lwm haiv neeg pom Kuv tej kev ua, cia kom lawv hu Kuv tias Tus Muaj Hwj Chim Loj Kawg Nkaus vim yog Kuv tej kev ua, thiab cia kom Kuv cov lus ua tiav sai sai no. Kuv yuav ua kom txhua tus neeg paub tias Kuv tsis yog cov Yixayee tus Vajtswv xwb, tiam sis kuj yog cov tib neeg ntawm tag nrho cov teb chaws ntawm lwm haiv neeg tus Vajtswv thiab, txawm yog cov teb chaws uas Kuv tau foom phem rau lawm los xij. Kuv yuav ua kom txhua tus neeg pom tias Kuv yog tag nrho yam uas raug tsim tawm los tus Vajtswv. Qhov no yog Kuv tes hauj lwm loj tshaj plaws, lub hom phiaj ntawm Kuv txoj kev npaj hauj lwm rau tiam kawg, thiab yog tib teg hauj lwm uas Kuv xav ua kom tiav nyob rau tiam kawg xwb.

los ntawm Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Tes Hauj Lwm ntawm Kev Tshaj Tawm Txoj Moo Zoo Kuj Yog Tes Hauj Lwm ntawm Kev Cawm Tib Neeg Thiab