1

Thaum hnov Vajtswv lub suab,

ces twb yog tsa kuv los rau ntawm Nws lub xub ntiag lawm.

Kuv noj thiab haus Nws txoj lus los yug kuv.

Thaum kawg kuv koom tus Me Nyuam Yaj rooj tshoob.

Qhov no yog qhov koob hmoov uas loj tshaj plaws ntawm kuv lub neej.

Kuv noj thiab haus Vajtswv txoj lus thiab kawm qhov tseeb txhua hnub.

Kuv lub siab kaj zuj zus thaum kuv to taub qhov tseeb.

Vajtswv txoj lus qhia meej meej txog

txoj kev thiab txoj hauv kev uas kuv yuav taug nyob rau hauv lub neej no,

thiab tsuas yog thaum ntawd xwb kuv thiaj li nrhiav tau lub neej tseeb.

Kuv xyaum ua raws li Vajtswv cov lus thiab nrhiav kev los ua ib tug neeg coj ncaj.

Kuv ua kuv tes dej num kom tiav zoo tshaj plaws kom Vajtswv txaus siab.

Peb koom ua ib lub siab ib lub ntsws tshaj tawm thiab ua tim khawv rau Vajtswv,

thiab peb lub siab mas muaj kev xyiv fab thiab qab zib heev.

2

Txoj kev txiav txim ntawm Vajtswv txoj lus yaug kuv txoj kev qias vuab tsuab kom dawb huv.

Nws tej kev sim siab thiab tej kev tsim kho kom zoo ntawd

ntxuav kuv txoj kev hlub kom dawb huv.

Kuv tau txais qhov tseeb thiab ua neej raws li qhov muaj tiag lawm.

Qhov tau txais kev pom zoo los ntawm Vajtswv ntawd mas yog txoj koob hmoov loj heev.

Txawm Vajtswv yuav ua li cas rau kuv los xij, puav leej zoo tag nrho,

thiab puav leej yog pab kuv kom loj hlob thiab paub tab nyob rau hauv lub neej xwb.

Qhov muaj lub siab uas mloog lus ntawd, ua rau kuv pom Vajtswv lub siab nyiam.

Thaum raug tej kev sim siab thiab kev txom nyem, Vajtswv txoj lus coj kuv kev.

Raws li kuv tau ntsib tau pom los mas,

kuv tau pom Vajtswv txoj kev hlub thiab qhov zoo ntxim hlub lawm.

Vajtswv txoj lus coj kuv kev ib kauj ruam zuj zus kom kov yeej Ntxwgnyoog.

Kuv ua lub siab ncaj ncees kom ua tau raws li Vajtswv tej kev npaj siab,

thiab ua tim khawv kom zoo rau Vajtswv.

los ntawm Raws Tus Me Nyuam Yaj Qab thiab Hu Cov Nkauj Tshiab