1

Muaj ib tug Neeg Leej Tub uas nthuav qhov tseeb tawm txhua hnub,

thiab tus no yog Vajtswv Tus Uas Muaj Hwj Chim Loj Kawg Nkaus.

Peb tau hnov Vajtswv lub suab

thiab thaum kawg tau txais tos tus Tswv lawm—xyiv fab kawg li!

Qhov tau pom tus tseem Vajtswv lub ntsej muag ntawd mas

yog qhov uas peb xav tsis txog li!

Au, cas peb yuav tau koob hmoov ua luaj!

Qhuas, qhuas, qhuas heev! Saib seb leej twg seev cev yam xyiv fab heev!

Peb zoo siab heev thiab muaj kev ywj pheej!

2

Peb tau raug qaws mus rau ntawm Vajtswv lub zwm txwv hauv ntej

thiab koom rooj mov ntawm lub nceeg vaj saum ntuj ceeb tsheej.

Peb noj thiab haus Vajtswv txoj lus txhua hnub,

thiab to taub ntau qhov tseeb—peb lub siab kaj lug!

Vajtswv cov lus ua rau kuv paub kuv tus kheej

thiab pom kuv txoj kev qias vuab tsuab uas tob heev,

kuv txhos caug rau ntawm Vajtswv lub xub ntiag yam tu siab heev.

Qhuas, qhuas, qhuas heev! Saib seb leej twg seev cev yam xyiv fab heev!

Peb zoo siab heev thiab muaj kev ywj pheej!

3

Qhov raws Khetos qab thiab ua kuv tes dej num kom tiav ntawd mas

ua rau kuv lub neej muaj nqis thiab muaj qab hau.

Qhov ua kuv tes dej num ntawd, kuv tau ntsib tau pom Vajtswv tes hauj lwm

thiab tau txais Vajntsujplig Dawb Huv txoj kev qhia kom paub;

kuv lub neej txoj sia loj hlob sai heev!

Qhov raug txoj kev txiav txim yaug kom dawb huv ntawd,

ua rau kuv muaj peev xwm zwm rau Vajtswv tiag tiag—

qhov no yog Vajtswv txoj koob hmoov!

Qhuas, qhuas, qhuas heev! Saib seb leej twg seev cev yam xyiv fab heev!

Peb zoo siab heev thiab muaj kev ywj pheej!

4

Vajtswv txoj kev txiav txim thiab kev rau txim

muab Nws txoj kev dawb huv thiab kev ncaj ncees nthuav tawm tag nrho.

Cov uas hlub Vajtswv raug muab ua kom zoo tiav log,

hos cov ua phem raug rau txim. Lub sij hawm los txog lawm!

Vajtswv Tus Uas Muaj Hwj Chim Loj Kawg Nkaus twb kov yeej Ntxwgnyoog

thiab tsim tau ib pab neeg uas kov yeej lawm.

Vajtswv tes hauj lwm loj tiav lawm!

Qhuas, qhuas, qhuas heev! Saib seb leej twg seev cev yam xyiv fab heev!

Peb zoo siab heev thiab muaj kev ywj pheej!

5

Vajtswv cov neeg txhua tus qw nrov nrov

thiab hu nkauj qhuas Vajtswv Tus Uas Muaj Hwj Chim Loj Kawg Nkaus.

Tej kev puas ntsoog loj los txog lawm,

thiab Vajtswv muab nqi zog rau cov neeg zoo hos rau txim rau cov neeg phem.

Qhuas Vajtswv txoj kev ncaj ncees!

Cov uas tawm tsam Vajtswv raug rhuav tshem,

thiab Vajtswv lub nceeg vaj tau tshwm sim los lawm.

Qhuas Vajtswv uas tau txais lub koob meej lawm!

Qhuas, qhuas, qhuas heev! Saib seb leej twg seev cev yam xyiv fab heev!

Peb zoo siab heev thiab muaj kev ywj pheej!

los ntawm Raws Tus Me Nyuam Yaj Qab thiab Hu Cov Nkauj Tshiab