1

Qhov noj thiab haus Vajtswv cov lus ua rau peb koom Vajtswv rooj mov uas muaj kev hlub;

ua cas yuav qab zib ua luaj!

Peb lub siab mas xyiv fab heev, peb tej ntsujplig zoo siab;

zoo tshaj li tej lus hais tau lawm.

Tom qab txoj kev txiav txim lawm kuj muaj txoj kev to taub txog qhov tseeb,

muab txoj kev qab zib hloov txoj kev iab kev daw;

peb tej ntsujplig thiaj li tsim dheev los, peb lub siab thiaj li kaj,

uas yog paub Vajtswv txoj kev hlub lawm.

Au, ua cas Vajtswv cov lus ho ua kom tib neeg zoo tiav log!

Cov lus ntawd yaug kom kuv dawb huv thiab hloov kuv.

Yog tib neeg tsis hlub Vajtswv, ces yog lawv tsis muaj lub siab txawj xav.

Peb txhua tus yuav tsum ua tib zoo xav txog Vajtswv tej kev npaj siab,

ua peb lub siab ncaj ncees rau, thiab ua peb tej dej num kom tiav.

Vajtswv nthuav qhov tseeb tawm thiab coj tib neeg kev mus rau qhov muaj tiag.

Qhov Vajtswv cov lus txiav txim thiab qhia tshwm ntawd ua rau kuv paub kuv tus kheej;

vim xyaum ua raws li Nws cov lus thiab paub Nws cov lus

es kuv tus moj yam thiaj li hloov lawm.

Vajtswv txoj kev cawm dim nyob rau tiam kawg mas loj tshaj li qhov ntsuas tau lawm.

2

Txoj kev txiav txim ntawm Vajtswv cov lus, tej kev sim siab, thiab kev tsim kho kom zoo ntawd

yaug kom tib neeg txoj kev qias vuab tsuab dawb huv.

Vim raug tej kev ceeb laj txom nyem thiab kev tsim kho kom zoo lawm

es peb thiaj li tiv taus txhua hom kev txom nyem.

Qhov tiv kev txom nyem ntawd mas yeej tsim nyog tiag tiag li

vim peb tej moj yam qias vuab tsuab twb raug yaug dawb huv lawm.

Peb xyaum ua raws li qhov tseeb es thaum kawg thiaj li ua tau lub neej zoo li tib neeg lawm.

Au, Vajtswv tau ua hauj lwm ntau heev lawm!

Qhov ntawd yog ua txhawm rau txoj kev ua kom tib neeg zoo tiav log xwb.

Qhov tsis tau txais qhov tseeb mas yog ib qho ntxim tshua heev.

Zaum rau ntawm rooj mov, tab sis ho tshaib nqhis heev;

qhov ntawd yog ib yam khoom uas txaus luag tiag tiag rau Ntxwgnyoog.

Vim txoj kev hwm Vajtswv

es peb thiaj li lees txais Vajtswv txoj kev tshawb xyuas kom meej rau hauv txhua yam,

peb tej lus thiab tej kev ua thiaj li mus raws li qhov tseeb tej hauv paus ntsiab lus,

thiab peb muab Vajtswv cov lus los ua lub hauv paus rau yam uas peb hais thiab ua;

ces peb thiaj li ua lub neej nyob rau hauv txoj kev kaj rau ntawm Vajtswv lub xub ntiag lawm.

3

Qhov noj thiab haus Vajtswv cov lus ua rau peb koom Vajtswv rooj mov uas muaj kev hlub,

uas muaj nplua mias thiab muaj qab hau.

Tus zaj loj liab ploog thiab cov tawm tsam khetos ua lawv tes dej num rau thaum kawg.

Vim raug tej kev sim siab thiab tej kev ceeb laj txom nyem

es peb thiaj li tau saj Vajtswv tej koob hmoov.

Cov uas to taub qhov tseeb ua tim khawv rau Vajtswv.

Au, cov kwv tij thiab cov muam! Peb yuav tsum to taub tias:

Vajtswv tau muab txhua yam los cawm tib neeg thiab ua kom tib neeg zoo tiav log.

Theem kawg ntawm Vajtswv tes hauj lwm yog los ua kom cov uas hlub Nws ntawd zoo tiav log.

Peb yuav tsum ua tim khawv nrov nrov los ua kom txaus Nws tej kev npaj siab.

Yuav kom to taub qhov tseeb thiab tau txais txoj kev paub mas,

peb yuav tsum muab tej no coj los xyau ua raws.

Thaum peb pauj Vajtswv txoj hmoov hlub thiab ua tib zoo xav txog Nws tej kev npaj siab

mas ua rau peb lub siab xyiv fab.

Peb hlub Vajtswv, es nej thiab kuv thiaj li muaj qhov muaj tiag

thiab hloov mus ua cov tib neeg tshiab;

peb ua peb tes dej num tiav los ntawm txoj kev ua lub siab ncaj ncees thiab ua tim khawv rau Nws.

los ntawm Raws Tus Me Nyuam Yaj Qab thiab Hu Cov Nkauj Tshiab