1

Vajtswv Tus Uas Muaj Hwj Chim Loj Kawg Nkaus uas yug los ua neeg,

peb tsa peb lub suab qhuas Koj.

Peb twb raug tsa los nyob rau ntawm Koj lub zwm txwv

los koom rooj mov ntawm lub nceeg vaj saum ntuj ceeb tsheej lawm.

Koj cov lus ywg dej rau peb thiab peb xyiv fab rau Koj txoj kev hlub uas muaj nplua mias;

qhov ua neej txhua hnub rau ntawm Koj lub xub ntiag ntawd,

peb hnov zoo siab thiab hnov qab zib nyob rau hauv peb lub siab.

Vajtswv cov lus coj peb kev mus rau ib lub neej tshiab.

Qhov xyaum ua raws thiab saj Nws cov lus ntawd

ua rau peb ras tias qhov tseeb muaj nqis npaum li cas.

Tam sim no peb to taub qhov tseeb ces thiaj li tsis raug tej kev cai tswj txwv,

yog li ntawd peb xyaum ua tau raws li qhov tseeb, zwm tau rau Vajtswv,

thiab tau txoj kev ywj pheej lawm.

La…la…la…la…

Lub neej pawg ntseeg mas xyiv fab tiag tiag li

thiab peb qhuas Vajtswv Tus Uas Muaj Hwj Chim Loj Kawg Nkaus mus tag ib txhiab ib txhis!

2

Qhov lees txais Vajtswv tes hauj lwm ntawm tiam kawg ntawd mas

yog ib qho zoo siab tiag tiag li.

Qhov raug Vajtswv cov lus txiav txim thiab rau txim ntawd

ua rau peb pom tias peb qias vuab tsuab npaum li cas.

Vim peb raug tej kev sim siab thiab kev tsim kho kom zoo,

es peb tej moj yam phem thiaj li raug yaug dawb huv lawm.

Qhov to taub txog qhov tseeb qhov muaj tiag ntawd ua rau

peb pom Vajtswv tej koob hmoov.

Peb tau txais qhov tseeb thiab raug Vajtswv cawm es

thiaj li tau txais lub neej tshiab lawm.

Qhov muab peb txoj kev qias vuab tsuab tso tseg es los ua cov tib neeg tshiab ntawd

ua rau peb paub tias Vajtswv txoj kev hlub muaj qab hau npaum li cas.

Peb tau txais qhov tseeb thiab dim plaws lawm, peb lub siab thiaj li xyiv fab heev li.

Qhov dim plaws ntawm txoj kev tsaus ntuj qhov kev haub ntxias

es Vajtswv muab tau lawm ntawd ua rau peb tau koob hmoov tiag tiag li.

La…la…la…la…

Lub neej pawg ntseeg mas xyiv fab tiag tiag li

thiab peb qhuas Vajtswv Tus Uas Muaj Hwj Chim Loj Kawg Nkaus mus tag ib txhiab ib txhis!

3

Cov kwv tij thiab cov muam koom tes zoo heev, ua neej raws li Vajtswv cov lus;

peb ib leeg hlub thiab txhawb ib leeg, tsis muaj dab tsi kem peb lub siab li.

Peb xyaum ua raws li qhov tseeb thiab peb tus kheej qhib siab lug

los ua cov tib neeg coj ncaj, uas ua rau Vajtswv zoo siab.

Peb hlub Vajtswv heev, tsis dag, tsis ntxias, los sis tsis taij thov li.

Cov kwv tij thiab cov muam koom tes los ua tim khawv zoo heev rau Vajtswv.

Yuav kom tshaj tawm tau Vajtswv lub nceeg vaj txoj moo zoo peb

thiaj li yuav tsum muab tag nrho peb tus kheej fij rau,

ua peb tej dej num kom tiav kom kawg peb lub siab lub ntsws,

thiab ua kom txaus Vajtswv tej kev npaj siab.

Peb yuav ua lub siab ncaj ncees muab peb tus kheej fij rau Vajtswv

mus kom txog thaum kawg,

thiab hlub thiab ua tim khawv rau Vajtswv mus ib txhis!

La…la…la…la…

Lub neej pawg ntseeg mas xyiv fab tiag tiag li

thiab peb qhuas Vajtswv Tus Uas Muaj Hwj Chim Loj Kawg Nkaus mus tag ib txhiab ib txhis!

4

Vajtswv txoj kev txiav txim yog txoj kev cawm dim,

txoj kev yaug kom peb dawb huv thiab txoj kev ua kom peb zoo tiav log.

Vajtswv cov lus yog qhov tseeb thiab tau rais los ua peb lub neej lawm.

Peb pe hawm Vajtswv los ntawm lub siab thiab txoj kev coj ncaj

thiab ua neej nyob rau hauv txoj kev kaj ntawm Nws lub xub ntiag.

Khetos lub nceeg vaj mas zoo tiag tiag li thiab yog peb lub tsev uas sov so.

Peb lub siab mas xyiv fab tshaj li tej lus hais tau

rau hauv txoj kev ua neej nyob rau hauv lub neej pawg ntseeg.

Qhov muaj Vajtswv nyob thiab txoj kev coj qhia ntawd yog ib txoj koob hmoov loj heev,

thiab txoj kev hlub Vajtswv thiab ua raws li Vajtswv lub siab nyiam

yog txoj kev ua neej uas zoo siab tshaj plaws.

Lub neej pawg ntseeg mas xyiv fab tiag tiag li

thiab peb qhuas Vajtswv Tus Uas Muaj Hwj Chim Loj Kawg Nkaus mus tag ib txhiab ib txhis!

La…la…la…la…

Lub neej pawg ntseeg mas xyiv fab tiag tiag li

thiab peb qhuas Vajtswv Tus Uas Muaj Hwj Chim Loj Kawg Nkaus mus tag ib txhiab ib txhis!

los ntawm Raws Tus Me Nyuam Yaj Qab thiab Hu Cov Nkauj Tshiab