1

Muaj tej suab nkauj thiab tej kev seev cev uas zoo ntau heev,

lub qab ntuj khwb tau rais ua tus dej hiav txwv uas nphau yaws qhuas tsis tseg.

Cov hnub qub ci pluj pliv thiab lub hli luag li ntxhi,

hauv lub qab ntuj khwb muaj kev qhuas puv npo, thiab peb seev cev nrog txoj kev xyiv fab!

Vajtswv Tus Uas Muaj Hwj Chim Loj Kawg Nkaus, Khetos tus ntawm tiam kawg,

tau los tshwm sim rau hauv ntiaj teb thiab tau nthuav tawm qhov tseeb,

ua rau txhua haiv neeg, txhua pawg ntseeg co ua zog koog.

Cov tib neeg uas raug xaiv tseg ntawm txhua lub tej chaws thiab txhua txhia qhov chaw

tau hnov Vajtswv lub suab, tau tig rov qab los pe hawm ntawm Nws lub zwm ntxwv hauv ntej.

Nyob hauv Xis-oos, Vajtswv tau tig Nws Tus Kheej rov los rau lub qab ntuj khwb,

nthuav tawm Nws txoj kev ncaj ncees thiab Nws txoj kev dawb huv.

Vajtswv cov tib neeg muaj kev xyiv fab puv npo, qhuas Vajtswv yam tsis tu ncua.

2

Yuav kom hlub Vajtswv, peb yuav tsum tau fij lub siab tseeb,

ncaj ncees rau kev ua peb tes dej num kom tiav, thiab ua tib zoo xav txog Vajtswv tej kev npaj siab.

Peb cov kwv tij thiab cov nkauj muam lub siab mas sib txuas ua ke zoo tshaj.

Tag nrho cov txiv neej thiab cov poj niam, cov hluas thiab cov laus, koom ua ib qhuas Vajtswv ua ke.

Koj fij ib txoj nkauj, kuv yuav fij ib qho kev seev cev;

koj ua tim khawv rau Vajtswv, kuv yuav koom tes nrog.

Peb ua kom tus zaj loj liab ploog uas phem ntawd txaj muag,

thiab hwm Vajtswv tus muaj tiag lub npe uas muaj hwj chim loj kawg nkaus.

Peb txhua tus puav leej tau pom Vajtswv tus moj yam ncaj ncees los ntawm Nws li dej num.

Vajtswv Tus Uas Muaj Hwj Chim Loj Kawg Nkaus yog tus Vajtswv uas ncaj ncees.

Vajtswv cov tib neeg tau pom Nws lub ntsej muag uas muaj yeeb koob,

thiab txhuas tus nrhiav kev hlub Nws thiab ua kom Nws txaus siab.

Vajtswv cov tib neeg txaus siab hlo coj ncaj ncees rau Vajtswv mus tag ib txhis.

3

Vajtswv tau txais yeeb koob nyob rau hauv ntiaj teb,

txhua haiv neeg thiab tib neeg txhua tus mas kaj siab kawg.

Lub neej ntawm lub nceeg vaj mas zoo nkauj tshaj plaws.

Nws muaj lub ntuj ceeb tsheej tshiab, lub ntiaj teb tshiab thiab lub nceeg vaj tshiab.

Peb seev cev thiab hu nkauj qhuas Vajtswv, nws yog ib qho kev xyiv fab tshaj plaws.

Peb hu cov nkauj uas zoo mloog tshaj plaws qhuas Vajtswv;

peb ua cov kev seev cev uas zoo saib tshaj plaws qhuas Vajtswv.

Peb fij peb lub siab tiag rau Vajtswv,

thiab peb hlub Nws los ntawm lub siab dawb paug thiab lub siab ncaj ncees.

Vajtswv cov neeg nrog rau tej raug tsim txhua yam qhuas Vajtswv,

qhuas Vajtswv yam tsis paub ncua mus ib txhis!

Au Xis-oos, muaj lub yeeb koob zoo tiag tiag!

Vajtswv lub chaw so ci ntsa iab,

ua lub teeb ci lug mus thoob plaws lub qab ntuj kwb.

Vajtswv Tus Uas Muaj Hwj Chim Loj Kawg Nkaus lub ntsej muag luag ntxhi,

thiab Nws zaum ntawm Nws lub zwm ntxwv ntsia mus rau lub qab ntuj khwb tshiab.

los ntawm Raws Tus Me Nyuam Yaj Qab thiab Hu Cov Nkauj Tshiab