1

Ntau zaj nkauj, tej kev seev cev mas zoo nkauj heev—

lub qab ntuj khwb tau dhau los ua ib lub hiav txwv uas muaj kev xyiv fab puv nkaus!

Cov hnub qub dhia, lub hli luag ntxhi, lub qab ntuj khwb muaj kev qhuas puv npo;

peb qw thiab dhia vim xyiv fab!

Vajtswv Tus Uas Muaj Hwj Chim Loj Kawg Nkaus, Khetos ntawm tiam kawg,

tau nthuav qhov tseeb tawm, ua rau txhua haiv neeg thiab txhua pab ntseeg tshee hnyo.

Cov neeg Vajtswv xaiv tseg hnov Nws lub suab,

rov qab los rau ntawm Nws lub zwm txwv los pe hawm ua ke.

Nyob hauv Xi-oo, Vajtswv tig ntsej muag mus rau tag nrho lub qab ntuj khwb,

mus nthuav Nws txoj kev ncaj ncees thiab kev dawb huv tawm.

Vajtswv cov neeg tag nrho thiaj li muaj kev xyiv fab puv npo, qhuas Nws yam tsis paub kawg.

Cia li qhuas Vajtswv, cia li qhuas Vajtswv! Haleluyas!

Cia li qhuas Vajtswv, cia li qhuas Vajtswv, cia li qhuas Vajtswv!

2

Yuav kom hlub tau Vajtswv mas,

peb yuav tsum ua peb tes dej num kom tiav thiab ua tib zoo xav txog Vajtswv tej kev npaj siab.

Peb cov kwv tij thiab cov muam lub siab sib txuas ua ke,

thiab txhua tus qhuas Vajtswv ua ke—txiv neej thiab poj niam, hluas thiab laus.

Koj hu ib zaj nkauj thiab kuv seev cev; koj ua tim khawv rau Vajtswv thiab kuv koom tes.

Peb ua kom tus dab phem, tus zaj loj liab ploog txaj muag,

thiab qhuas Vajtswv Tus Uas Muaj Hwj Chim Loj Kawg Nkaus lub npe.

Peb txhua tus twb pom Vajtswv tus moj yam ncaj ncees

los ntawm Nws tes hauj lwm lawm.

Vajtswv cov neeg txhua tus twb pom Nws lub ntsej muag uas muaj yeeb koob,

thiab txhua tus caum qhov hlub Nws thiab ua kom Nws txaus siab.

Peb txaus siab hlo ua siab ncaj rau Vajtswv mus ib txhiab ib txhis.

Cia li qhuas Vajtswv, cia li qhuas Vajtswv! Haleluyas!

Cia li qhuas Vajtswv, cia li qhuas Vajtswv, cia li qhuas Vajtswv!

3

Vajtswv tau koob meej hauv ntiaj teb,

thiab txhua haiv neeg thiab Vajtswv cov neeg tag nrho xyiv fab ua ke.

Lub neej hauv lub nceeg vaj mas zoo nkauj heev!

Ib lub ntuj tshiab, ib lub ntiaj teb tshiab, ib lub nceeg vaj tshiab.

Peb seev cev thiab hu cov nkauj tshiab rau Vajtswv—muaj kev xyiv fab heev.

Cov nkauj uas zoo nkauj tshaj plaws yog hu rau Vajtswv,

tej kev seev cev uas zoo nkauj tshaj plaws yog muab fij rau Vajtswv.

Peb muab peb lub siab tseeb fij rau Vajtswv,

thiab peb hlub Nws dawb paug thiab ncaj ncees.

Vajtswv cov neeg tag nrho thiab txhua yam yuav qhuas Nws mus ib txhis, tsis tu ncua li!

Cia li qhuas Vajtswv, cia li qhuas Vajtswv! Haleluyas!

Cia li qhuas Vajtswv, cia li qhuas Vajtswv, cia li qhuas Vajtswv!

Au Xi-oo, au Xi-oo, muaj koob meej heev! Vajtswv qhov chaw nyob ci ntsa iab,

qhov kaj uas muaj yeeb koob ci rau tag nrho lub qab ntuj khwb.

Vajtswv Tus Uas Muaj Hwj Chim Loj Kawg Nkaus zaum saum Nws lub zwm txwv luag ntxhi,

saib lub ntsej muag tshiab ntawm lub qab ntuj khwb.

Cia li qhuas Vajtswv, cia li qhuas Vajtswv! Haleluyas!

Cia li qhuas Vajtswv, cia li qhuas Vajtswv, cia li qhuas Vajtswv!

los ntawm Raws Tus Me Nyuam Yaj Qab thiab Hu Cov Nkauj Tshiab