Tshia Tshees tau yug los rau hauv ib tsev neeg uas Ntseeg Vajtswv—nws tsev neeg twb ntseeg tus Tswv los tau peb tiam lawm—ces tom qab nws loj hlob tuaj lawm nws thiaj li ua dej num rau tus Tswv nyob rau hauv pawg ntseeg tsis so li. Tab sis nws maj mam tshawb pom tias pawg ntseeg tab tom qaug zog zuj zus lawm thiab cov thawj coj tsuas pheej qhuab qhia tej yam qub lawm xwb. Tshaj qhov ntawd, lawv tus cwj pwm mas tawm tsam tus Tswv txoj kev xav txhua zaus kiag. Nws tsis tau txais ib txoj kev txhawb twg rau nws txoj sia li thiab nws tus ntsujplig mas tuag tshiab ntuas thiab tsaus zuj zus lawm xwb. Thaum nws mob siab, ces nws nquag thov tus Tswv, xav kom Nws rov qab los tsuag tsuag. Ces muaj ib hnub nws thiaj li tshawb cov ntaub ntawv hais txog tus Tswv qhov yuav los nyob rau hauv oos lai, nws txawm los pom ib daim yeeb yaj duab uas nyeem txog Vajtswv Tus Uas Muaj Hwj Chim Loj Kawg Nkaus cov lus. Cov lus no ua rau nws lub siab tshee na—nws hnov tias cov lus ntawd mas muaj hwj chim thiab muaj cai heev li, thiab zoo li cov lus ntawd yog Vajtswv lub suab ntag. Nws thiaj li pib nrhiav thiab tshuaj xyuas Vajtswv Tus Uas Muaj Hwj Chim Loj Kawg Nkaus tes hauj lwm. Los ntawm qhov nyeem Vajtswv Tus Uas Muaj Hwj Chim Loj Kawg Nkaus cov lus, nws tus ntsujplig uas tuag tshaib ntuas ntawd thiaj li tau haus thiab yug lawm, thiab nws thiaj li to taub lub hauv paus keeb cag ntawm qhov lub ntiaj teb ntawm sab kab lis kev cai nyob do cuas cia lawm. Nws ua tsaug ntau ntau rau Vajtswv vim coj nws kev los caum tus Me Nyuam Yaj cov hneev taw lawm.