Vajtswv Tus Uas Muaj Hwj Chim Loj Kawg Nkaus, Khetos ntawm tiam kawg, tau tshwm sim thiab tau ua txoj hauj lwm, nthuav tawm txhua qhov tseeb los cawm tib neeg. Txoj Lus Tshwm Hauv Lub Cev Nqaij Daim Tawv nrog ntau plhom lo lus uas muab tso rau saum fuab cua, ci ntsa iab ntawm Sab Hnub Tuaj mus rau Sab Hnub Poob zoo li ib qho kev kaj loj tshaj, thiab ua rau nrov ncha thoob plaws lub ntiaj teb. Muaj tib neeg coob zuj zus los ntawm txhua lub teb chaws, txhua cheeb tsam, thiab txhua pawg ntseeg uas nyiam qhov tseeb tau nyeem Vajtswv Tus Uas Muaj Hwj Chim Loj Kawg Nkaus cov lus, hnov ​​Vajtswv lub suab, thiab tau kub siab lug lees txais Nws lawm. Lub teb chaws txoj moo zoo tab tom tshaj tawm thiab nthuav tawm nrog lub zog nchav thiab lub zog ceev uas tsis muaj peev xwm cheem tau, ua tiav tag nrho cov lus faj lem hauv phau vajluskub tias: “Thiab nws yuav tshwm sim nyob rau thaum ntiaj teb kawg, uas lub roob ntawm Yehauvas lub tsev yuav raug rhawv nyob rau saum cov ncov roob, thiab yuav raug tsa kom siab tshaj cov me nyuam roob; thiab txhua haiv neeg yuav ntws los rau nws” (Isaiah 2:2). “Vim ib yam li xob laim tim sab hnub tuaj tuaj, thiab ci mus txog ntua rau sab hnub poob; yog li thaum Neeg Leej Tub los kuj yuav zoo ib yam nkaus li” (Mathai 24:27). Txawm li cas los xij, tseem muaj ntau tus ntseeg uas tsis lees txais Vajtswv Tus Uas Muaj Hwj Chim Loj Kawg Nkaus vim tias saib Nws zoo li ib tib tug neeg dog diag thiab tsis los nyob rau saum ib tauv fuab hauv tus Tswv Yexus tus duab, los sis vim tias Vajtswv Tus Uas Muaj Hwj Chim Loj Kawg Nkaus tsis raug hu ua Yexus thiab phau Vajluskub yeej tsis hais txog lub npe “Vajtswv Tus Uas Muaj Hwj Chim Loj Kawg Nkaus li.” Thiab lawv haj tseem rau txim tias kev ntseeg Vajtswv Tus Uas Muaj Hwj Chim Loj Kawg Nkaus yog ib txoj kev ntxeev siab rau tus Tswv Yexus. Vim li ntawd, lawv tseem tsis tau txais tos tus Tswv tiam sis tau ntsib tej kev puas tsuaj lawm. Yog li, kev lees txais Vajtswv Tus Uas Muaj Hwj Chim Loj Kawg Nkaus puas yog kev ntxeev siab tiag rau tus Tswv Yexus los sis tsis yog tiag? Hauv ntu ntawm kev Nrhiav Txoj Kev Ntseeg Tseeb no, peb tuaj yeem kawm kom paub ntxiv txog Vajtswv qhov kev tshwm sim thiab txoj hauj lwm, thiab tas zog nrhiav lo lus teb.