1

Vajtswv tau los ua Neeg Leej Tub thiab los rau hauv lub ntiaj teb lawm;

Nws yog Vajtswv Tus Uas Muaj Hwj Chim Loj Kawg Nkaus,

uas yog tus Khetos ntawm tiam kawg.

Nws tau nthuav ntau qhov tseeb tawm thiab coj qhov kaj los rau tib neeg ntiaj teb.

Peb hnov Vajtswv lub suab thiab tig rov los rau ntawm Nws lub xub ntiag.

Peb noj, haus, thiab xyiv fab rau Vajtswv txoj lus txhua hnub.

Cov dej uas cawm txoj sia ntawm lub zwm txwv ntawd yug peb thiab ywg dej rau peb.

Peb koom rooj mov ntawm lub nceeg vaj saum ntuj ceeb tsheej,

peb lub siab zoo siab heev tsis muaj dab tsi piv tau li.

Qhov ntawd tshaj peb tej kev npau suav

uas peb yuav tau los tim ntsej tim muag nyob rau ntawm Vajtswv lub xub ntiag lawm.

Qhov hnov Vajtswv lub suab thiab tig rov los cuag Nws ntawd

mas yog Vajtswv txoj hmoov hlub thiab txoj koob hmoov.

Thaum noj thiab haus Vajtswv txoj lus mas, peb to taub ntau qhov tseeb heev,

thiab pom tseeb tseeb txog lub ntiaj teb txoj kev tsaus ntuj

thiab tib neeg txoj kev qias vuab tsuab uas tob.

Cas peb yuav muaj hmoo ua luaj uas tau los raws Vajtswv qab,

thiab qhov no yog txoj koob hmoov loj kawg.

Peb ua peb tej dej num kom zoo kom Vajtswv txaus siab thiab pauj Nws txoj kev hlub.

2

Vim txoj kev txiav txim thiab kev rau txim ntawm Vajtswv cov lus,

peb thiaj li paub Vajtswv tus moj yam ncaj ncees.

Peb tau lees txim hloov dua siab tshiab tiag tiag,

thiab peb txoj kev qias vuab tsuab raug yaug dawb huv lawm.

Peb ua siab ncaj ncees ua peb tej dej num kom tiav thiab ua tim khawv nrov heev.

Peb tau koob hmoov tiag tiag li uas tau los hlub Vajtswv.

Peb tau txais qhov tseeb thiab txoj sia.

Peb muaj kev zwm rau Vajtswv tiag tiag,

thiab tau txais Nws txoj kev pom zoo thiab tej koob hmoov.

Peb ua peb tej dej num kom zoo tshaj plaws kom tiav,

thiab ua Vajtswv cov lus txib kom tiav kom Nws txaus siab.

Peb tau txais Vajtswv txoj kev cawm dim nyob rau tiam kawg lawm;

cas peb yuav muaj hmoo ua luaj uas tau los txais Nws lo lus cog tseg.

Au, Vajtswv Tus Uas Muaj Hwj Chim Loj Kawg Nkaus, peb ua Koj tsaug thiab qhuas Koj;

Koj txoj lus tau yaug peb dawb huv thiab cawm peb lawm.

Vim Koj txoj lus peb thiaj li tau txais ntau yam heev,

thiab peb yuav hlub Koj thiab ua tim khawv rau Koj mus ib txhis li.

los ntawm Raws Tus Me Nyuam Yaj Qab thiab Hu Cov Nkauj Tshiab