Koj nrog kuv nyob thoob plaws lub caij nplooj ntoos hlav thiab nplooj ntoos zeeg,

nrog nraim kuv thoob plaws lub caij ntuj no thiab lub caij ntuj sov.

Pom Koj lub ntsej muag uas nyob ib leeg kho siab khuav,

ua rau kuv lub siab muaj kev puas ntsoog puv nkaus.

Kuv tsis tau txeev xav txog qhov Koj nyob ib leeg,

thiab tsis tau nplig Koj lub siab mob.

Vim tsis kam lees txim hloov dua siab tshiab,

kuv thiaj li raug Koj tej lus qhuab ntuas uas tawm hauv nruab siab tuaj.

Kuv ua rau Koj mob siab thiab ua rau Koj tag kev cia siab tas li,

thiab tsuas yog tom qab Koj txoj kev rau txim lawm xwb

kuv thiaj li paub me ntsis lawm.

Kuv nyob ze ntawm Koj ib sab, tiam sis kuv tsis muaj peev xwm ris Koj lub nra;

yuav ua cas ib tug neeg uas tsis muaj kev to taub thiaj li paub txog Koj txoj kev txom nyem?

Vim kuv tus kheej tej kev ntshaw, vim lub cev nqaij daim tawv,

kuv thiaj li hnov qab qhov tseeb, txoj kev coj zoo, thiab txoj kev ncaj ncees lawm.

Thaum kuv muaj kev tu siab ntau dhau lawm, kuv thiaj li tau ua rau Koj tu siab lawm.

Koj tu siab, tiam sis tsis muaj leej twg to taub li.

Vim quaj ntsaj laws rau txoj kev qias vuab tsuab,

kuv thiaj li taij thov Koj yam twm xeeb heev.

Leej twg thiaj li muaj ib lub siab txawj xav

thiab paub los koom ib co ntawm Koj tej kev txhawj xeeb?

Vim Koj txoj kev hlub uas muaj nqis thiab txoj kev xav uas tseeb,

Koj lub siab thiaj li zoo heev.

Leej twg thiaj li coj ncaj tshaj Koj, leej twg thiaj li ntxim hwm tshaj?

Kuv yuav nrog nraim Koj ua ke tas li, thiab yuav tsis ncaim Koj mus li.

Thov kom txoj kev zoo siab tshwm ntawm Koj lub ntsej muag,

thiab thov kom Koj nyob hauv kuv lub siab tas li.

los ntawm Raws Tus Me Nyuam Yaj Qab thiab Hu Cov Nkauj Tshiab