1

Vajtswv tab tom rov qab mus rau saum Xi-oos yog li ntawd

tam sim no peb yuav ncaim mus sai sai no.

Kev tu siab thiab kev xyiv fab sib xyaw pes daws nyob rau hauv kuv lub siab.

Thaum xav txog Vajtswv cov lus, ua tiag tiag thiab hlub zoo li ib leej niam,

mas kuv lub siab mloog zoo li nyob ze Nws heev.

Au … peb sib ntsib tas li tsis tau,

au … kuv yuav nco Koj mus tas li xwb.

Au Vajtswv Tus Uas Muaj Hwj Chim Loj Kawg Nkaus, kuv nco Koj,

thiab kuv ntsia Koj lub ntsej muag tsis tau txaus li.

2

Thaum xav txog lub sij hawm uas kuv nrog Vajtswv ua ke ntawd,

kuv tau ntxeev siab ntau npaum li cas,

thiab kuv ua rau Nws tu siab ntau npaum li cas lawm,

kuv lub siab puv kev khuv xim, kuv quaj ntsiag to;

txoj kev nrog Vajtswv nyob tseg kev tu siab rau kuv,

kuv lub siab mob kawg nkaus.

Au … rov nco txog tej ntawd mas,

au … mob kuv lub siab npaum li cas.

Au Vajtswv Tus Uas Muaj Hwj Chim Loj Kawg Nkaus, kuv nco Koj,

thiab kuv xav ua kuv tes dej num kom tiav los pauj Koj txoj kev hlub.

3

Tam sim no uas Vajtswv tab tom ncaim mus lawm,

kuv lub siab uas ntshaw Nws ntawd mas tso tseg nyuaj

thiab tej cim xeeb ntawd rov cim tau tseeb heev.

Vajtswv nrog nraim kuv tau ntau hnub thiab ntau hmo yam suav tsis txheeb li,

thaum kuv quaj thiab thaum kuv luag.

Au … txawm kuv pheej xav phem los xij,

au … Vajtswv tsis tso kuv tseg li.

Au Vajtswv Tus Uas Muaj Hwj Chim Loj Kawg Nkaus, kuv nco Koj,

thiab Koj paub tias kuv lub siab hlub Koj.

4

Thaum Vajtswv rov qab mus rau Xi-oos ntawd, nyob rau lub sij hawm ncaim mus no,

kuv txiav txim siab los nco ntsoov Nws tej lus ntuas.

Kuv yuav tshaj tawm txoj moo zoo los ua tim khawv rau Vajtswv,

taug txoj kev kawg kom zoo

thiab hais lus tim khawv kom zoo kom Nws txaus siab.

Au … txawm txoj kev uas mus rau lub nceeg vaj saum ntuj ceeb tsheej ntawd

mas phom sij heev los xij,

au … Vajtswv cov lus nrog nraim kuv.

Au Vajtswv Tus Uas Muaj Hwj Chim Loj Kawg Nkaus, kuv nco Koj,

thiab kuv tsuas thov Koj lawm xwb mas kuv thiaj li tau ntsib Koj tim ntsej tim muag.

5

Vajtswv nyob rau saum ntuj ceeb tsheej, peb nyob rau hauv ntiaj teb.

Cov cim xeeb uas peb nyob ua ke tau ntau xyoo ntawd mas yuav nyob mus li,

thiab yeej yuav tsis hnov qab Nws cov lus zoo li.

Xav txog qhov Vajtswv zoo ntxim hlub tas li xwb,

Nws tus moj yam ncaj ncees yuav nyob rau hauv kuv lub siab,

thiab Nws txoj kev hlub yuav txhawb kuv lub zog mus ib txhis li.

Au … cas kuv lub siab yuav hlub Vajtswv ua luaj,

au … kuv cog lus tias kuv yuav ua lub siab ncaj ncees.

Txawm tias lub ntiaj teb yuav hloov los xij, kuv lub siab yuav nyob li qub.

Kuv yuav ua neej raws li Vajtswv cov lus,

thiab kuv yuav ua tim khawv rau Vajtswv mus ib txhis li.

los ntawm Raws Tus Me Nyuam Yaj Qab thiab Hu Cov Nkauj Tshiab