1

Rau qhov twb xaiv hlub Vajtswv lawm,

kuv cia Nws muab txawm Nws yuav muab dab tsi ntawm kuv mus los xij.

Txawm hais tias kuv yeej tu siab me ntsis, los kuv yeej tsis yws ib los hlo li.

Muaj tus moj yam qias vuab tsuab,

ces tib neeg tsim nyog raug txiav txim thiab raug rau txim.

Vajtswv txoj lus yog qhov tseeb;

kuv yuav tsum tsis txhob to taub yuam kev Nws txoj kev npaj siab.

Kuv pheej tig xav txog kuv tus kheej thiab pom tias

tseem muaj tej yam tsis dawb huv ntau heev;

yog kuv tsis caum qhov tseeb, ces kuv tus moj yam yeej hloov pauv tsis tau li.

Txawm hais tias kuv tau tiv kev txom nyem ntau heev lawm los xij,

nws yog ib lub koob meej uas tau txais Vajtswv txoj kev hlub.

Vim txoj kev txom nyem, kuv thiaj li kawm tau txoj kev mloog hais.

Tsis muaj ib lub siab twg yuav zoo tshaj Vajtswv lub lawm.

2

Nyob nrog Vajtswv nruab hnub thiab hmo ntuj,

kuv pom tau hais tias Nws ntxim hlub npaum li cas.

Los ntawm kev qhia tshwm thiab kev txiav txim ntawm Nws cov lus,

kuv pom qhov tseeb ntawm kuv txoj kev qias vuab tsuab.

Lees txais Vajtswv txoj kev tshawb xyuas kom meej,

kuv raug nthuav tawm hais tias muaj kev ntxeev siab ntau heev.

Kuv qhib kuv lub siab rau kev sib qhia,

thiab tau ib qho kev to taub meej meej txog qhov tseeb.

Kuv ib ce tshee hnyo thiab ntshai heev

rau qhov kev xav txog kev ua txhaum rau Vajtswv tus moj yam.

Kuv ceeb toom rau kuv tus kheej kom tsis txhob ntxeev siab tawm tsam ntxiv lawm

thiab txhob ua rau Nws lub siab mob ntxiv lawm.

Txawm hais tias kuv xaiv yuav hlub Vajtswv lawm,

los kuv txoj kev hlub yeej muaj kuv tus kheej tej tswv yim txuam nrog rau.

Kuv yuav tsum siv zog ua kom vam meej

thiab nrhiav kom tau ib tug ntsuj plig zoo li Petus tus.

Tsis hais Vajtswv yuav saib kuv txoj kev hlub li cas li,

kuv tib qho kev ntshaw ces yog ua kom Nws txaus siab xwb.

Txawm hais tias kuv tau tiv kev txom nyem ntau heev lawm los xij,

nws yog ib lub koob meej uas tau txais Vajtswv txoj kev hlub.

Vim txoj kev txom nyem, kuv thiaj li kawm tau txoj kev mloog hais.

Tsis muaj ib lub siab twg yuav zoo tshaj Vajtswv lub lawm.

los ntawm Raws Tus Me Nyuam Yaj Qab thiab Hu Cov Nkauj Tshiab