1

Peb hnov Vajtswv lub suab thiab coj peb los rau ntawm Nws lub zwm txwv lawm.

Peb noj, haus thiab xyiv fab rau Vajtswv cov lus

thiab peb to taub qhov tseeb uas nyob hauv cov lus ntawd.

Peb ntiab tej kev khi ntawm txoj kab lis kev cai tawm lawm,

ces tsis raug tej kev cai tswj txwv ntxiv lawm.

Ua neej nyob rau hauv Vajtswv cov lus,

peb lub siab thiaj li kaj thiab peb zoo siab heev yam tsis muaj dab tsi piv tau li.

Ua tsaug thiab qhuas Vajtswv Tus Uas Muaj Hwj Chim Loj Kawg Nkaus,

tus uas nthuav qhov tseeb tawm thiab cawm tib neeg ntiaj teb.

Vajtswv txoj kev txiav txim thiab kev rau txim tau yaug kuv dawb huv lawm;

kuv twb pom Nws txoj kev zoo ntxim hlub lawm.

Ua tsaug thiab qhuas Vajtswv Tus Uas Muaj Hwj Chim Loj Kawg Nkaus,

tus uas nthuav qhov tseeb tawm thiab txiav txim rau tib neeg ntiaj teb.

Peb thiaj li muaj peev xwm pom tau Vajtswv tim ntsej tim muag,

muaj txoj hmoo zoo los pom Vajtswv lub ntsej muag uas muaj koob meej.

2

Peb caum raws Vajtswv tej hneev taw ti ti,

thiab peb lees txais lub nceeg vaj txoj kev cob qhia uas tseeb.

Vajtswv cov lus txoj kev txiav txim mas zoo li ib rab ntaj ob sab ntse,

ces cov lus ntawd qhia peb tej kev xav thiab tej tswv yim tshwm.

Txoj kev khav theeb, khav txiv, kev twm xeeb thiab kev txawj dag,

kev cuav thiab kev dag ntawd puav leej raug muab qhia tshwm lawm.

Tsuas yog thaum ntawd xwb kuv thiaj li pom qhov tseeb ntawm kuv tus kheej txoj kev qias vuab tsuab.

Tsis muaj chaw nkaum lawm, kuv thiaj li ntog rau ntawm Vajtswv lub xub ntiag.

Kuv ua tsaug rau Vajtswv txoj kev cawm dim thiab qhuas Nws tus moj yam ncaj ncees.

Kuv xav ntxeev siab tawm tsam cev nqaij daim tawv es xyaum ua raws li qhov tseeb,

ua ib tug neeg tshiab es nplig Vajtswv lub siab.

Ua tsaug thiab qhuas Vajtswv Tus Uas Muaj Hwj Chim Loj Kawg Nkaus,

Nws txoj kev txiav txim mas ncaj ncees heev li.

Kuv tus moj yam qias vuab tsuab raug ntxuav dawb huv lawm;

kuv tau koob hmoov ntau tshaj plaws.

Kuv ua tsaug rau Vajtswv txoj kev cawm dim thiab qhuas Nws tus moj yam ncaj ncees.

Kuv xav ntxeev siab tawm tsam cev nqaij daim tawv es xyaum ua raws li qhov tseeb,

ua ib tug neeg tshiab es nplig Vajtswv lub siab.

Ua tsaug thiab qhuas Vajtswv Tus Uas Muaj Hwj Chim Loj Kawg Nkaus,

Nws txoj kev txiav txim mas ncaj ncees heev li.

Kuv tus moj yam qias vuab tsuab raug ntxuav dawb huv lawm;

kuv tau koob hmoov ntau tshaj plaws.

los ntawm Raws Tus Me Nyuam Yaj Qab thiab Hu Cov Nkauj Tshiab