1

Au Vajtswv! Koj txoj kev hlub nyob nraim nkoos rau hauv kuv lub siab,

txoj kev hlub ntawd coj kuv los ze Koj yam qab zib heev.

Thaum ua tib zoo xav txog Koj tej kev npaj siab mas kuv lub siab haj yam qab zib tuaj;

kuv ua dej num rau Koj kawg kuv lub siab lub ntsws.

Koj cov lus coj kuv lub siab,

thiab cov kauj ruam uas kuv ua los ntawm txoj kev hlub ntawd raws Koj qab ti heev.

Kuv yuav ua kom tau raws li Koj tej kev npaj siab,

thiab qhov ua kom haum Koj siab ua rau kuv zoo siab.

Tam sim no kuv nyob rau ib sab ntuj lawm, uas tsuas muaj Koj thiab kuv nyob ua ke lawm xwb.

Koj hlub kuv, kuv hlub Koj,

tsis muaj qhov txwv qhov txiav wb li,

tsis muaj kev nyuaj siab los sis kev txhawj xeeb,

tsis nco txog kev mob li.

2

Kuv hlub Koj tiag tiag, wb tsis muaj qhov sib nrug li;

Koj lub siab thiab kuv lub siab kaj siab lug.

Kuv to taub Koj tej kev npaj siab thiab kuv yeej zwm rau Koj tiag tiag,

kuv tsis xav ntxeev siab ib qho me me ntxiv li lawm.

Kuv yuav nyob rau ntawm Koj lub xub ntiag kom ntau ntxiv,

thiab kuv yuav tsis ncaim ntawm Koj mus li lawm.

Kuv xav twj ywm txog Koj cov lus,

kuv saib yam uas yog Koj thiab yam uas Koj muaj ntawd muaj nqis.

Koj cov lus yaug kuv txoj kev qias vuab tsuab kom dawb huv,

thiab cov lus ntawd ua rau kuv lub siab puv npo tuaj.

Au, Vajtswv Tus Uas Muaj Hwj Chim Loj Kawg Nkaus, kuv hlub Koj.

Koj cov lus twb dhau los ua kuv txoj sia lawm.

Kuv muaj hmoo heev uas Koj tau cawm kuv,

yog li ntawd kuv yuav hlub Koj thiab ua tim khawv rau Koj mus ib txhis.

Haleluyas! Haleluyas! Haleluyas! Qhuas Vajtswv!

los ntawm Raws Tus Me Nyuam Yaj Qab thiab Hu Cov Nkauj Tshiab