Thaum Vajtswv los hauv ntiaj teb, Nws tsuas ua Nws tes dej num hauv lub hwj huaj saum ntuj xwb, uas yog qhov tus Ntsujplig saum ntuj ceeb tsheej tau muab cob rau tus Vajtswv yug los ua neeg. Thaum Nws los, Nws tsuas hais lus thoob plaws hauv daim av xwb, los muab lub suab rau Nws tej lus hais tawm los ntawm ntau txoj kev thiab los ntawm ntau txoj kev xav uas sib txawv. Feem ntau ces Nws muab pub rau tib neeg thiab qhia tib neeg los ua Nws tej hom phiaj thiab txoj kab ke uas ua hauj lwm, thiab tsis txhawj txog Nws Tus Kheej nrog tej yam xws li tej kev sib raug zoo ntiag tug los sis txhua yam ntxaws ntxaws ntawm tib neeg lub neej. Nws tes hauj lwm tshaj tawm tseem ceeb yog los hais lus rau tus Ntsujplig. Ntawd yog, thaum Vajtswv tus Ntsujplig tshwm uas kov tau rau hauv cev nqaij daim tawv, Nws tsuas yug tib neeg lub neej thiab tso qhov tseeb tawm xwb. Nws Tus Kheej tsis koom rau hauv tib neeg tes dej num, uas yog hais tau tias, Nws tsis koom noob neej tes dej num. Tib neeg ua tsis tau tes dej num saum ntuj, thiab Vajtswv tsis koom tib neeg tes dej num. Hauv ntau lub xyoo txij thaum Vajtswv los rau hauv lub ntiaj teb no los ua Nws tes dej num, Nws yeej ua tiav los ntawm tib neeg tas li xwb. Txawm li cas los, tib neeg raug suav tsis tau tias yog tus Vajtswv yug los ua neeg—tsuas yog cov uas Vajtswv tau siv lawm xwb. Tus Vajtswv niaj hnub no, tib lub sij hawm no, yeej hais tau lus ncaj nraim los ntawm txoj kev xav saum ntuj, xa tus Ntsujplig lub suab los thiab ua hauj lwm sawv cev rau tus Ntsujplig. Txhua tus uas Vajtswv tau siv thoob plaws txhua tiam yog, tib yam thiab, tej lub tsam thawj thaum Vajtswv tus Ntsujplig ua hauj lwm hauv ib lub cev uas yog nqaij tawv—yog li vim li cas lawv ho tsis raug hu ua Vajtswv? Tab sis tus Vajtswv niaj hnub no kuj yog Vajtswv tus Ntsujplig uas ua hauj lwm ncaj nraim rau hauv cev nqaij daim tawv, thiab Yexus los kuj yog Vajtswv tus Ntsujplig ua hauj lwm hauv cev nqaij daim tawv thiab; Nkawv ob leeg puav leej hu ua Vajtswv. Yog li qhov txawv yog dab tsi? Cov tib neeg uas Vajtswv siv thoob plaws hauv txhua tiam yeej muaj peev xwm muaj kev xav zoo thiab kev muaj qab hau. Lawv txhua tus to taub tej hauv paus ntsiab lus ntawm tib neeg tus cwj pwm. Lawv muaj tib neeg tej tswv yim li ib txwm, thiab muaj txhua yam uas tej tib neeg dog dig yuav tsum muaj. Feem ntau ntawm lawv cov ntawd muaj tej txuj tshwj xeeb thiab kev txawj ntse xeeb txawm. Qhov ua hauj lwm nrog cov tib neeg no, Vajtswv tus Ntsujplig siv lawv tej txuj ci, uas yog lawv tej kev txawj Vajtswv pub. Vajtswv tus Ntsujplig coj lawv tej txuj ci los siv, siv lawv tej dag zog rau hauv Vajtswv kev ua dej num. Tab sis lub ntsiab tseem ceeb ntawm Vajtswv mas tsis muaj tswv yim los sis kev xav, tsis muaj dab tsi nrog tib neeg tej kev xav tau, thiab haj tseem tsis muaj yam uas cov tib neeg dog dig muaj thiab. Ces hais tau tias, Nws haj tseem twb tsis paub tej hauv paus ntsiab lus ntawm tib neeg tus cwj pwm. Qhov no yog qhov zoo li cas rau thaum tus Vajtswv niaj hnub no los rau hauv ntiaj teb. Nws tes dej num thiab Nws tej lus tsis tau raug txuam nrog txog tib neeg tej kev xav tau los sis tib neeg txoj kev xav, tab sis lawv yog qhov pom meej tseeb ntawm tej kev xav tau ntawm tus Ntsujplig, thiab Nws ua hauj lwm ncaj nraim sawv cev rau Vajtswv. Qhov no txhais tias tus Ntsujplig hais lus kiag, ntawd yog, lub hwj huaj saum ntuj ua tes dej num kiag, yam tsis muab tib neeg tej kev xav tau ib nyuag qhov los xyaw nrog li. Muab ua lwm lo lus hais, tus Vajtswv yug los ua neeg sawv cev ncaj nraim rau lub hwj huaj saum ntuj, tsis muaj tib neeg txoj kev xav los sis tej tswv yim, thiab tsis muaj kev to taub ntawm tej hauv paus ntsiab lus ntawm tib neeg tus cwj pwm. Yog tias tsuas yog lub hwj huaj saum ntuj ua hauj lwm xwb (txhais tau tias yog tias tsuas yog Vajtswv Tus Kheej ua hauj lwm xwb), yuav tsis muaj hau kev rau Vajtswv tes dej num los ua rau hauv lub ntiaj teb. Yog li thaum Vajtswv los rau hauv ntiaj teb, Nws yuav tsum muaj ib pab tib neeg tsawg tsawg uas Nws siv los ua hauj lwm rau hauv noob neej nrog rau tes dej num uas Vajtswv ua rau hauv lub hwj huaj saum ntuj. Muab ua lwm lo lus hais, Nws siv tes dej num tib neeg los tuav Nws tes dej num saum ntuj. Yog tsis li ntawd, yuav tsis muaj kev rau tib neeg los koom kiag nrog tes dej num saum ntuj. Qhov no yog qhov zoo li cas rau Yexus thiab Nws cov thwj tim. Nyob rau Nws lub sij hawm hauv ntiaj teb, Yexus xaus tej kev cai qub thiab rhawv tej kev cai tshiab. Nws kuj hais ntau cov lus thiab. Tag nrho tes dej num no puav leej ua tiav hauv lub hwj huaj saum ntuj. Lwm cov, xws li Petus, Povlauj, thiab Yauhas, txhua tus tso lawv tes dej num rau saum lub hauv paus ntawm Yexus tej lus. Ces hais tau tias, Vajtswv pib Nws tes dej num hauv tiam ntawd, lub hauv paus pib ntawm Tiam Hmoov Hlub; ntawd yog, Nws nkag mus rau ib tiam tshiab, xaus tej qub, thiab kuj ua rau tej lus muaj tiav, “Vajtswv yog qhov Pib thiab qhov Kawg.” Muab ua lwm lo lus hais, tib neeg yuav tsum ua tib neeg tes dej num rau saum lub hauv paus ntawm tes dej num saum ntuj. Muaj ib zaug Yexus tau hais txhua yam uas Nws yuav tsum hais lawm thiab ua Nws tes dej num tiav rau hauv lub ntiaj teb, Nws ncaim tib neeg mus lawm. Tom qab qhov no, txhua tus tib neeg, hauv kev ua hauj lwm, ua raws li tej kab ke uas hais tawm nyob hauv Nws tej lus, thiab xyaum raws nraim rau qhov tseeb ntawm qhov uas Nws tau hais lawm. Tag nrho ntawm cov tib neeg no puav leej ua hauj lwm rau Yexus. Yog tias tsuas yog Yexus ib leeg ua tes dej num no xwb, txawm Nws yuav hais tej lus ntau npaum li cas los, tib neeg yuav tsis muaj kev koom nrog Nws tej lus, vim tias Nws ua hauj lwm hauv lub hwj huaj saum ntuj thiab tsuas hais tau tej lus ntawm lub hwj huaj saum ntuj xwb, thiab Nws yuav tsis muaj peev xwm piav tau txhua yam mus txog qhov uas tej tib neeg dog dig yuav to taub tau Nws tej lus. Thiab yog li Nws yuav tsum muaj cov tub txib thiab cov cev Vajtswv lus uas los tom qab los txhawb Nws tes dej num ntxiv. Qhov no yog txoj kab ke ntawm qhov seb Vajtswv yug los ua neeg ua Nws tes dej num li cas—siv lub cev nqaij tawv uas yug los ua neeg los hais lus thiab los ua hauj lwm xwv thiaj ua tau tes dej num ntawm lub hwj huaj saum ntuj tiav, thiab tom qab ntawd siv ib co tib neeg tsawg tsawg, los sis tej zaum coob coob, uas yog cov tib neeg uas ua raws li Vajtswv tej kev npaj siab los ua Nws tes dej num ntxiv. Ntawd yog, Vajtswv siv cov tib neeg uas ua raws li Nws tej kev npaj siab los ua tes hauj lwm saib xyuas thiab txhawb noob neej kom cov neeg uas Vajtswv xaiv tseg thiaj li to taub qhov tseeb qhov muaj tiag.

Yog tias, thaum Nws los rau cev nqaij daim tawv, Vajtswv tsuas ua tes dej num ntawm lub hwj huaj saum ntuj xwb, thiab tsis muaj cov tib neeg uas ua raws li Nws tej kev npaj siab los ua hauj lwm nrog Nws, ces tib neeg yuav tsis muaj peev xwm to taub Vajtswv tej kev npaj siab los sis koom nrog Vajtswv. Vajtswv yuav tsum siv cov tib neeg dog dig uas ua raws li Nws tej kev npaj siab los ua tes dej num no kom tiav log, los saib thiab saib xyuas pawg ntseeg, xwv kom qib uas tib neeg txoj kev xav sab hauv, nws lub hlwb, muaj peev xwm ntawm txoj kev xav thiaj muaj tiav tau. Muab ua lwm lo lus hais, Vajtswv siv ib pab tib neeg tsawg tsawg uas ua raws li Nws tej kev npaj siab los “txhais” tes dej num uas Nws ua hauv Nws lub cev saum ntuj, xwv kom nws thiaj raug muab qhib hlo—los hloov yam lus saum ntuj los ua tib neeg yam lus, xwv kom tib neeg thiaj nkag siab thiab to taub tau nws. Yog tias Vajtswv tsis ua li ntawd, tsis muaj leej twg yuav to taub Nws hom lus uas muaj hwj chim qaum ntuj, vim tias cov tib neeg uas ua raws li Vajtswv tej kev npaj siab mas, tom qab txhua yam, yog pab tsawg tsawg xwb, thiab tib neeg lub peev xwm nkag siab ntawd mas tsis zoo. Vim li ntawd Vajtswv thiaj xaiv txoj kev no xwb thaum ua hauj lwm hauv cev nqaij uas yug los ua neeg. Yog tias tsuas muaj tes dej num saum ntuj xwb, ces tsis muaj txoj hau kev twg rau tib neeg los paub los sis koom nrog Vajtswv, vim tias tib neeg tsis to taub Vajtswv yam lus. Tib neeg tsuas muaj peev xwm to taub yam lus no los ntawm qhov chaw ntawm cov tib neeg uas ua raws li Vajtswv tej kev npaj siab xwb, cov uas piav Nws tej lus meej tseeb. Txawm li cas los xij, yog tias tsuas muaj cov tib neeg zoo li no ua hauj lwm rau hauv noob neej xwb, qhov ntawd tsuas tuav tau tib neeg lub neej dog dig xwb; nws hloov tsis tau tib neeg tus moj yam. Vajtswv tes dej num tsis muaj ib theem pib tshiab tau; tsuas yuav muaj tib cov nkauj qub xwb, tej lus hais muaj hais txaus qub. Tsuas yog los ntawm qhov chaw ntawm tus Vajtswv yug los ua neeg, tus uas hais txhua yam uas yuav tsum tau hais thiab ua txhua yam uas yuav tsum tau ua kom tiav rau lub caij nyoog ntawm Nws qhov yug los ua neeg, tom qab qhov uas tib neeg ua hauj lwm thiab paub raws li Nws tej lus, tsuas yog thaum ntawd xwb lawv tus moj yam ntawm lub neej thiaj muaj peev xwm hloov tau, thiab tsuas yog thaum ntawd xwb lawv thiaj muaj peev xwm ntws nrog lub sij hawm. Tus uas ua hauj lwm hauv lub hwj huaj saum ntuj sawv cev rau Vajtswv, hos cov uas ua hauj lwm hauv noob neej yog cov tib neeg uas Vajtswv siv. Ces hais tau tias, tus Vajtswv yug los ua neeg yeej txawv hlo ntawm cov tib neeg uas Vajtswv siv. Tus Vajtswv yug los ua neeg muaj peev xwm ua tes dej num ntawm lub hwj huaj saum ntuj, hos cov tib neeg uas Vajtswv siv tsis muaj. Nyob rau qhov pib ntawm txhua tiam, Vajtswv tus Ntsujplig hais lus kiag thiab pib tiam tshiab los coj tib neeg mus rau qhov pib tshiab. Thaum Nws hais lus tag lawm, qhov no qhia tias Vajtswv tes dej num hauv Nws lub cev saum ntuj tiav lawm. Tom qab ntawd, tib neeg txhua tus caum cov coj ntawm cov uas Vajtswv siv mus nkag rau lawv txoj kev paub ntawm lub neej. Los ntawm tib qho no, qhov no kuj yog theem uas Vajtswv coj tib neeg mus rau tiam tshiab thiab ib txoj kev pib tshiab rau tib neeg—nyob rau lub sij hawm uas Vajtswv tes dej num hauv cev nqaij daim tawv xaus.

—Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Qhov Txawv uas Tseem Ceeb Ntawm tus Vajtswv Yug Los Ua Neeg thiab cov Tib Neeg uas Vajtswv Siv