1

Peb caum tus Khetos ntawm tiam kawg qab,

uas yog Vajtswv Tus Uas Muaj Hwj Chim Loj Kawg Nkaus.

Peb noj thiab haus thiab xyiv fab rau Nws txoj lus txhua hnub.

Peb tau txais txoj kev yug ntawm cov dej cawm siav

thiab koom rooj mov ntawm lub nceeg vaj saum ntuj ceeb tsheej.

Peb ua ib lub neej tshiab nyob rau hauv lub nceeg vaj ntawd.

Vajtswv cov lus puav leej yog qhov tseeb,

thiab peb yim nyeem mas peb lub siab yim kaj tuaj.

Peb pom meej meej txog txoj kev tsaus ntuj thiab txoj kev phem ntawm lub ntiaj teb no,

es peb thiaj li to taub qhov muaj nqis thiab lub ntsiab ntawm lub neej lawm.

Peb tso txhua yam tseg los ua peb tes dej num

kom tiav thiab taug lub neej txoj kev kaj siab.

Peb muab peb lub neej uas khoob lug thiab mob siab tso tseg,

es peb los nyob rau ntawm Vajtswv lub xub ntiag, peb kaj siab lug lawm.

Peb hu ib zaj nkauj tshiab thiab seev cev tshiab,

peb ua Vajtswv tsaug thiab qhuas Vajtswv.

Vajtswv txoj lus ywg dej peb thiab pub rau peb noj,

es peb lub neej thiaj li maj mam loj hlob tuaj.

Peb hu ib zaj nkauj tshiab thiab seev cev tshiab,

peb ua Vajtswv tsaug vim muab qhov tseeb thiab txoj sia rau peb.

Peb yuav ua peb tej dej num kom zoo thiab ua siab ncaj twj ywm mus kom txog thaum kawg;

peb yuav ua neej raws li qhov tseeb qhov muaj tiag

thiab ua kom txaus li Vajtswv tej kev npaj siab.

2

Qhov los caum tus Khetos ntawm tiam kawg qab mas cas peb yuav tau koob hmoov ua luaj.

Nws txoj lus txiav txim rau peb, yaug kom peb dawb huv, thiab hloov peb,

cawm peb dim ntawm Ntxwgnyoog txoj kev haub ntxias uas tsaus ntuj nti.

Peb nyob rau hauv txoj kev kaj, pom Vajtswv tim ntsej tim muag.

Vajtswv cov lus coj peb kev thaum raug tej kev sim siab,

thiab peb tuav peb tej lus tim khawv khov kho vim peb to taub Vajtswv lub siab.

Vim raug txoj kev tsim txom, tej kev sim siab, thiab tej kev ceeb laj txom nyem,

peb txoj kev ntseeg thiab txoj kev hlub thiaj li zoo tiav log lawm.

Vim peb tej kev ntsib kev pom ntawd es peb thiaj li pom Vajtswv txoj kev zoo ntxim hlub,

thiab peb thiaj li muaj txoj kev ntshai thiab txoj kev hwm Nws puv npo lawm.

Peb cia Vajtswv coj qhia peb es tsis cia yus tus kheej xaiv;

peb yuav ua siab ncaj ncees mus kom txog hnub tuag

thiab caum Nws qab mus kom txog thaum kawg kiag.

Peb hu ib zaj nkauj tshiab thiab seev cev tshiab,

peb ua Vajtswv tsaug thiab qhuas Vajtswv.

Qhov uas peb raug Vajtswv yaug dawb huv thiab cawm lawm ntawd

yog Vajtswv txoj hmoov hlub thiab txoj koob hmoov tag nrho xwb.

Peb hu ib zaj nkauj tshiab thiab seev cev tshiab;

qhov caum Vajtswv Tus Uas Muaj Hwj Chim Loj Kawg Nkaus qab ntawd mas peb

tau txais ntau yam heev li.

Peb muab tag nrho peb tus kheej pub rau Vajtswv thiab muab peb tus kheej fij rau Vajtswv.

Peb yuav tsum hlub Vajtswv thiab zwm rau Vajtswv mus tag ib txhiab ib txhis.

los ntawm Raws Tus Me Nyuam Yaj Qab thiab Hu Cov Nkauj Tshiab