1

Peb cov uas yog kwv tij thiab nkauj muam tuaj sib sau ua ke yam zoo siab heev,

tuaj noj thiab haus Vajtswv cov lus thiab qhuas Vajtswv.

Vajtswv tsis quav ntsej tias peb muaj peev xwm los tsis muaj,

Nws nyiam thaum peb muab peb lub siab dawb paug fij rau Nws.

Noj, haus, thiab xyiv fab rau Vajtswv cov lus txhua hnub,

peb cov uas mus koom tus Me Nyuam Yaj rooj tshoob yog cov tau koob hmoov.

Peb xyiv fab rau Vajtswv txoj kev hlub heev, yog li ntawd peb yuav tsum qhuas Nws;

peb hnov muaj kev xyiv fab thaum peb qhuas Nws los ntawm lub siab dawb paug.

2

Cov kwv tij thiab cov nkauj muam, cia li maj nroos los qhuas Vajtswv!

Qhov to taub qhov tseeb ntawd tso tau peb tus ntsujplig dim plaws lawm.

Tsis raug tej kev cai tswj khi ntxiv lawm,

peb muaj ib txoj kev taug thaum nkag mus rau hauv qhov tseeb tej hauv paus ntsiab lus lawm.

Qhov qhuas Vajtswv los ntawm lub siab dawb paug ntawd ua rau muaj kev tig ras to taub,

thiab Vajtswv tej koob hmoov ntws los rau peb.

Qhov qhuas Vajtswv los ntawm lub siab dawb paug ntawd ua rau Nws lees txais,

thiab qhov ntawd ua tau raws li Nws tej kev npaj siab.

3

Cov kwv tij thiab cov nkauj muam, peb yuav tsum ua Vajtswv tsaug;

Nws tes hauj lwm tau cawm peb dim lawm.

Nws txiav txim thiab ntxuav peb txoj kev qias vuab tsuab kom dawb huv.

Qhov ua neej raws li qhov tseeb ntawd, peb muaj kev ywj pheej heev.

Peb muab tej kev cuam tshuam thiab tej kev meem txom ntawm lub ntiaj teb tso plhuav tseg,

es tam sim no peb ua lub neej ntawm lub nceeg vaj lawm.

Peb tau koob hmoov ntau tshaj txhua tus vajntxwv,

peb yeej tsis kam muab qhov koob hmoov no

los pauv txhua yam khoom muaj nqis ntawm lub ntiaj teb kiag li.

4

Vim peb hlub Vajtswv, peb thiaj li qhuas Nws,

thiab muab peb lub siab dawb paug fij rau Nws.

Peb muaj hmoo uas tau los raws Vajtswv Tus Uas Muaj Hwj Chim Loj Kawg Nkaus qab;

qhov no yog Vajtswv txoj hmoov hlub thiab tej koob hmoov nkaus xwb.

Vajtswv cov neeg puav leej tuaj qhuas Nws;

Vajtswv Tus Uas Muaj Hwj Chim Loj Kawg Nkaus tsim nyog tau lub koob meej thiab qhov kev qhuas no.

Vajtswv cov neeg puav leej tuaj qhuas Nws;

Vajtswv Tus Uas Muaj Hwj Chim Loj Kawg Nkaus tsim nyog tau lub koob meej thiab qhov kev qhuas no.

los ntawm Raws Tus Me Nyuam Yaj Qab thiab Hu Cov Nkauj Tshiab