Ob txhiab xyoo dhau los, thaum tus Tswv Yexus los tshaj tawm thiab ua txoj hauj lwm, cov txiv plig, cov kws sau ntawv, thiab cov neeg Falixais ntawm txoj kev ntseeg Yusdais tau txiav txim tias Nws yog ib tug tib neeg dog dig xwb. Lawv tau siv tag nrho lawv lub peev xwm los tawm tsam, rau txim, thiab thuam tus Tswv Yexus, thiab thaum kawg lawv tau muab Nws ntsia rau saum tus ntoo khaub lig, qhov ua ib txoj kev txhaum loj heev li. Niaj hnub no, Vajtswv Tus Uas Muaj Hwj Chim Loj Kawg Nkaus tau tshwm sim thiab ua txoj hauj lwm zoo raws li Neeg Leej Tub tus duab lawm, tiam sis tseem muaj ntau tus uas tsis muaj kev paub txog tus Vajtswv uas yug los ua neeg, tseem coj rau Vajtswv Tus Uas Muaj Hwj Chim Loj Kawg Nkaus zoo li yog ib tug tib neeg dog dig xwb, tsis kam los tshuaj xyuas txoj hau kev tseeb, thiab rau txim thiab tawm tsam Vajtswv Tus Uas Muaj Hwjchim Loj Kawg Nkaus nyhav heev, thiab nyob rau hauv txoj kev ua txhaum loj heev ntawm qhov muab Vajtswv ntsia rau saum tus ntoo khaub lig dua. Vim li cas Vajtswv ob zaug yug los ua neeg thiaj li raug tib neeg rau txim thiab tsis lees txais yuav? Vim tib neeg tsis muaj kev paub txog Vajtswv, tsis to taub txog tias qhov tseeb yog li cas, thiab haj tseem to taub tsawg heev txog txoj kev zais tob tshaj ntawm txoj kev yug los ua neeg thiab. Yog li, txoj kev yug los ua neeg yog li cas tiag tiag? Peb yuav tsum to taub txog txoj kev yug los ua neeg li cas? Hauv ntu ntawm kev Nrhiav Txoj Kev Ntseeg Tseeb no, peb nrhiav qhov tseeb ua ke kom to taub txog txoj kev zais tob ntawm txoj kev yug los ua neeg.