1

Kuv hlub Vajtswv tawm hauv kuv nruab siab tuaj,

thiab kuv yuav tsis ncaim ntawm Nws mus ntxiv lawm.

Vajtswv txoj kev hlub tau ua rau kuv lub siab muag,

kuv to taub Nws tej kev npaj siab uas ua tib zoo npaj lawm.

Kuv to taub Vajtswv lub siab thiab Nws txoj kev hlub lawm,

kuv paub hais tias Vajtswv txoj kev hlub mas tob thiab ruaj khov.

Txij no mus kuv yuav tsis to taub Vajtswv yuam kev li lawm,

thiab kuv yuav muab kuv txoj kev hlub tseeb rau Nws.

2

Kuv hlub Vajtswv tawm hauv kuv nruab siab tuaj,

thiab kuv yuav tsis ncaim ntawm Nws mus ntxiv lawm.

Kuv tu siab hais tias kuv txoj kev hlub tseeb mas tsis loj,

tiam sis Vajtswv txoj kev hlub mas muaj tseeb tiag tiag li.

Yuav kom cawm tau tib neeg mas, Nws yuav tsum los rau daim av uas qias neeg no

los muab txoj kev uas mus tau txoj sia mus ib txhiab ib txhis ntawd rau tib neeg.

Nws siv Nws tus kheej rau tib neeg ntiaj teb;

tam sim no kuv paub hais tias Vajtswv txoj kev hlub mas muaj nqis thiab loj heev.

3

Kuv hlub Vajtswv tawm hauv kuv nruab siab tuaj,

thiab kuv yuav tsis ncaim ntawm Nws mus ntxiv lawm.

Tej kev txom nyem thiab tej kev lim tib neeg kom dawb huv

ntawd kuv yeej tsis ntshai li, kuv txaus siab hlo tiv ntxiv.

Txoj kev hlub Vajtswv tsis yog los ntawm tej koob hmoov.

Yog tsis muaj kev txom nyem, yuav muaj txoj kev hlub tseeb tau li cas?

Vajtswv txoj kev hlub mas yeej muaj tiag thiab tseeb;

tab txawm yog kuv raug txom nyem thiab muab txhua yam xyeem los,

kuv tsis tsim nyog tau txoj kev hlub ntawd li.

4

Kuv hlub Vajtswv tawm hauv kuv nruab siab tuaj,

thiab kuv yuav tsis ncaim ntawm Nws mus ntxiv lawm.

Tam sim no kuv txais tau Nws lawm, kuv yuav tsum tsis plam Nws mus,

rau qhov kuv ntshai tsam kuv yuav nrhiav tsis tau Nws ntxiv lawm.

Kuv yeej yuav tsis hnov qab Vajtswv lub siab zoo, Nws txoj kev hlub

los sis Nws cov lus txib thiab tej kev npaj li.

Vajtswv txhawb kuv heev li;

tab txawm yog kuv yuav tsum tuag los, kuv yeej yuav pauj Nws txoj kev hlub.

los ntawm Raws Tus Me Nyuam Yaj Qab thiab Hu Cov Nkauj Tshiab