1

Tus Vajntxwv muaj yeej zaum rau saum Nws lub zwm txwv uas muaj yeeb koob. Nws tau ua txoj kev txhiv dim tiav hlo lawm thiab tau coj tag nrho Nws cov neeg tshwm los muaj yeeb koob. Nws tuav txhua yam rau hauv Nws ob txhais tes thiab los ntawm Nws txoj kev ntse thiab lub zog nchav uas muaj hwj chim qaum ntuj ntawd Nws tau tsim tsa thiab tau ua rau Xi-oo ruaj khov kho. Los ntawm qhov Nws muaj hwj chim heev Nws thiaj li txiav txim rau lub ntiaj teb uas muaj kev txhaum; Nws tau txiav txim rau ntau ntau haiv neeg thiab ntau ntau tus neeg, rau lub ntiaj teb thiab rau tej dej hiav txwv thiab txhua yam muaj sia uas nyob rau hauv lub ntiaj teb thiab tej dej hiav txwv, nrog rau cov uas qaug cawv rau txoj kev plees kev yim. Vajtswv yeej yuav txiav txim rau lawv xwb xwb li.

2

Vajtswv yeej yuav npau taws rau lawv xwb xwb li ces yog li ntawd qhov ntawd yuav nthuav tawm qhov muaj hwj chim heev ntawm Vajtswv, tus uas txiav txim tib ntsais muag xwb twb tau lawm thiab txiav txim yam tsis qeeb li. Nws qhov kev npau taws yuav hlawv lawv tej kev txhaum uas loj tshaj plaws ntawd kom kub ua ncaig du lug thiab kev puas tsuaj los raug rau lawv rau lub sij hawm twg los tau; lawv yuav paub tias tsis muaj chaw khiav dim thiab tsis muaj chaw nkaum, lawv yuav quaj thiab zom hniav qawv, thiab lawv yuav coj txoj kev puas tsuaj los rau lawv tus kheej. Cov tub uas muaj yeej, cov uas Vajtswv hlub yuav tau nyob rau hauv Xi-oo xwb xwb li, yeej tsis muaj hnub yuav ncaim qhov ntawd mus li. Ntau ntau tus neeg yuav tsum mloog Nws lub suab kom zoo, lawv yuav ua tib zoo mloog Nws tej kev ua, thiab lub suab ntawm lawv txoj kev qhuas mas yuav tsum tsis muaj hnub kawg li.

los ntawm Txoj Lus, Phau 1. Qhov Kev Tshwm Sim thiab Tes Hauj Lwm ntawm Vajtswv. Khetos Cov Lus Hais nyob rau thaum Pib, Tshooj 3