Zaj lus hauv qab no twb muab sau cia rau hauv Phau Yauna 4:10–11 lawm hais tias: "Ces Yehauvas hais tias, Koj khuv xim tsob ntoo qaib, rau qhov uas koj tsis tau nqes dag zog, los sis tsis tau ua kom hlob tuaj; uas loj hlob tuaj rau hauv ib hmo xwb, thiab kuj tuag lawm rau hauv ib hmos xwb thiab: Thiab tsis tsim nyog Kuv khuv xim Ninave, lub nroog uas loj ntawd, muaj tib neeg coob tshaj li 120,000 leej uas tsis tuaj yeem paub cais ntawm lawv sab tes xis thiab lawv sab tes laug; thiab tseem muaj tsiaj txhu coob heev lod?" Cov no yog Vajtswv Yehauvas cov lus tiag tiag, uas los ntawm ib qho kev sib tham ntawm Vajtswv thiab Yauna. Txawm hais tias qhov kev sib tham no luv luv xwb los, nws muaj tus Tswv Tsim txoj kev tsis xav tso tib neeg ntiaj teb tseg thiab Nws txoj kev saib xyuas tib neeg puv npo. Cov lus no nthuav tus cwj pwm thiab tej kev xav hauv siab tseeb uas Vajtswv muaj nyob rau hauv Nws lub siab tawm rau cov neeg uas Nws tsim tawm los. Cov lus no kuj yog qhov Vajtswv hais txog Nws tej kev npaj siab tseeb rau noob neej thiab, uas yog nyob hauv hom lus meej uas tib neeg tsis tshua hnov txog.

1

Tus Tswv Tsim nrog tib neeg nyob txhua lub sij hawm, Nws yeej ib txwm nrog tib neeg thiab txhua yam sib tham, thiab Nws ua tej kev ua tshiab txhua hnub. Nws lub ntsiab tseeb thiab tus moj yam yeej nthuav tawm nyob rau hauv Nws txoj kev nrog tib neeg sib tham; Nws tej kev xav thiab tej tswv yim yeej nthuav tawm tag nrho nyob rau hauv Nws tej kev ua; Nws nrog tib neeg ntiaj teb nyob thiab soj ntsuam tib neeg ntiaj teb txhua lub sij hawm. Nws siv Nws cov lus uas tsis muaj suab los qhia txhua yam thiab qhia tib neeg yam ntsiag to hais tias: "Kuv nyob saum ntuj, thiab Kuv nrog txhua yam nyob. Kuv tab tom saib ntsoov; Kuv tab tom tos ntsoov; Kuv nyob ntawm koj ib sab…."

2

Nws ob txhais tes sov so thiab muaj zog; Nws tej kauj ruam mas sib sib; Nws lub suab mos thiab zoo; Nws tus duab mus thiab tig, puag tag nrho tib neeg ntiaj teb; Nws lub ntsej muag zoo nkauj thiab mos. Nws yeej tsis tau ncaim mus li, yeej tsis tau yaj ntsis mus li. Nruab hnub thiab hmo ntuj los, Nws yeej yog tib neeg tus kwv luag uas nyob ruaj khov, yeej tsis ncaim ntawm lawv ib sab mus li. Nws txoj kev mob siab saib xyuas thiab txoj kev xav hauv siab uas tshwj xeeb rau tib neeg, nrog rau Nws txoj kev txhawj xeeb tseeb thiab kev hlub tseeb rau tib neeg, twb raug muab qhia tawm ib qho zuj zus rau thaum Nws cawm lub nroog Ninave lawm. Tshwj xeeb mas yog qhov kev sib tham ntawm Vajtswv Yehauvas thiab Yauna ntawd twb qhia tawm txog tus Tswv Tsim txoj kev hlub tshua rau cov tib neeg ntiaj teb uas Nws Tus Kheej tau tsim tag nrho lawm. Los ntawm cov lus ntawd, koj yeej tuaj yeem nkag siab tob txog Vajtswv tej kev xav hauv siab tiag tiag rau tib neeg …

los ntawm Txoj Lus, Phau 2. Hais Txog Qhov Kev Paub Vajtswv. Vajtswv Tus Kheej, Tus uas Tsuas Yog Tib Tug Xwb II